लुका 18:43 - बान्‍तावा राई

⁴³ मोन्‍ग़रिङा खो लामाखाखाङ्‌मा रुवा खोन्‍कि निनाम्‍हाङ्‌ओ अ़चुऩङ लोङ्‌याङ्‌सा खोसाआ येसु त़ङ्‌तु। मोवात्‍नि लिसाओ अ़खाकि झारा म़नाचिआछाङ निनाम्‍हाङ्‌ओ अ़चुऩङ अ़चोन्‍ता।

लुका 18:43 ပူးပေါင်းရင်းမြစ်များ

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

मत्‍ति 21:14

दोप्‍म़क्‌चि खोन्‍कि पेसोलाचि निनाम्‍हाङ ब़क्‍खाखिम्‌दा येसुएदा म़ता, खोन्‍कि खोक्‍कोसाआ मोचि म़नुसुचि।

मत्‍ति 9:8

म़ना मुक्‍लाचिआ ओ अ़खाकिना मोचि म़क़सा, खोन्‍कि म़नाचिआ ओवाको सावा काप़ निनाम्‍हाङ्‌ओ अ़चुओ ऩङ अ़चोन्‍ता।

लुका 13:17

मोवात्‍नि येसु ओ य़ङ म़य़ङाचिआकि खोक्‍कोसोओ अ़चुदेङ्‌सालाप्‍पा काच़चि झारा लेजोदा म़छुक्‍ता। मेन म़नाचि झारा खोक्‍कोसाआ अ़मुवाङाओ म़दोम्‍दाओ काचिचि अ़खाकि अ़चुऩङानुवा।

लुका 19:37

येसु जैतुन भ़ऱओ य़न्‍पा लाम्‍च़क्‌दा म़तादिसाहिदा झारा अ़चुकाखेङ्‌पाचिआ आप्‍पि अ़खाओ झारा सावा काचिचि अ़मित्‍ताकि अ़चुऩङानुयाङ्‌सा निनाम्‍हाङ्‌ओ अ़चुऩङ चोन्‌याङ्‌सा अ़धिवो य़ङ्‌आ पात्‍मा अ़पुङ्‌सा।

लुका 4:39

येसु मोसोओ अ़च़क्‌दा म़एवाकि माङ्‌धिन अ़रेन्‍ता खोन्‍कि मो माङ्‌धिन्‌आ लेरु, खोन्‍किना च़क्‍नि मो पुवालोन्‍ताकि खोचि ब़रुचि।

लुका 5:26

मोचि झारा दोम्‍तुदोचिकि निनाम्‍हाङ्‌ओ अ़चुओ ऩङ अ़चोन्‍ता। खोन्‍कि मोचि अ़चुक़माकात्‌याङ्‌सा म़य़ङा, “आय़ आन्‍कान म़दोम्‍दाओ काचि खाम!”

लुका 9:43

निनाम्‍हाङ्‌ओ अ़धिवा सावा अ़खाकि झारा म़नाचि दोम्‍तुदोचि। येसुआ अ़मुवाओ अ़क्‌तात काचिदा झाराकापाङ दोम्‍तुदोचिओ ग़रि खोक्‍कोसाआ अ़चुकाखेङ्‌पाचि म़लोचि।

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

छाम्‍माय़ङ 4:21

खोन्‍किना यहुदि बुसुवाचिआ पत्रुस खोन्‍कि युहन्‍ना दन्‍दा प़खा लाम दित्‍छाङ मान्‍धित्‌अ़दाकि च़लोक म़दुङ्‌तुचिकि खोचि म़लेरुखाइसुचि, देकिनालो पेसोला म़ना नुवाओ अ़खाकि झारा म़नाचिआ निनाम्‍हाङ अ़चोन्‍ताङा।

गलाति 1:24

खोन्‍कि अ़ङ्‌का फान्‍ताङ्‍ओदा मोचिआ निनाम्‍हाङ अ़लोङ्‌सा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।