लुका 18:34 - बान्‍तावा राई

³⁴ मेन अ़चुकाखेङ्‌पाचिआ ओ य़ङ अ़क्‍छेप्‍छाङ मान्‍तुप्‌अ़दा। ओसोओ अ़तुप्‌य़ङ मोचिएदाङ्‌का कुम्‍सायुङ्‌सा खोन्‌ओसा येसु म़चेवाओ अ़तुक्‌वादा मोचिआ मान्‍तुप्‌अ़दा।

लुका 18:34 ပူးပေါင်းရင်းမြစ်များ

मर्कुस 9:32

मेन अ़चुकाखेङ्‌पाचिआ खोक्‍को म़य़ङाओ य़ङ मान्‍तुप्‌अ़दा, खोन्‍कि मोसोओ अ़तुक्‌वादा खोक्‍को सेन्‍मा अ़चुक़माकारा।

लुका 18:33

खोचिआ अ़ङ्‌का य़हुप ऩपाक्‍ङाकि ऩसेत्‍ङा। मेन अ़ङ्‌का सुम्‌कालेन्‌दा खोन्‍ङालोन्‍ङा।”

लुका 2:50

मेन खोक्‍कोसाआ लोचिओ अ़तुप्‍माय़ङ खोचिआ तुप्‍माङा मान्‍ऱअ़दाचु।

लुका 24:25

खोन्‍ग़रि येसुआ मोचि म़लोचि, “खामान्‍तुप्‍कादा म़नाचिओ, आम्‍चुओ साकोङ्‌वा चाअ़त्‍लो मान्‍तुप्‍कादा लिसायुङ्‌सा। देत्‍निकि निनाम्‍हाङ्‌य़ङ खाकालुचिआ ऩलोन्‌ओ य़ङ्‌चि साकोङ्‌छ़ङ मुमा मान्‍ऱत़दाचु ओ!

लुका 24:45

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत,

लुका 9:45

मेन अ़चुकाखेङ्‌पाचिआ ओ य़ङ मान्‍तुप्‌अ़दा। देकिनालो मो य़ङ मोचिएदाङ्‌का कुम्‍सायुङ्‌सा। खोन्‌ओसा मोचिआ मो य़ङ तुम्‍मा मान्‍ऱअ़दा। खोन्‍कि मोचिआ मोसोओ अ़तुक्‌वादा खोक्‍को सेन्‍मा अ़चुक़माकारा।

युहन्‍ना 10:6

येसुआ मोचि ओ दोय़ङ्‌ला खाम़एत्‍तुचि, मेन खोक्‍कोसाआ मोचि खाम़एत्‍तुचिओ य़ङ मोचिआ मान्‍तुप्‌अ़दा।

युहन्‍ना 12:16

ओ य़ङ्‌चिओ अ़तुप्‌य़ङ खोक्‍कोसोओ अ़चुकाखेङ्‌पाचिआ बुया मान्‍तुप्‌अ़दा। मेन निनाम्‍हाङ्‌आ येसु साऩङ्‌वा अ़मेत्‍ताचिआकि ओन्‍ङा ओ य़ङ खोक्‍कोसोओ अ़चुतुक्‌वादा छाप्‍ताओ खोन्‍कि ओ काचि खोक्‍कोसोओ निम्‍पाङ मोचि आप्‍पिआ अ़मुवाओ निकिना अ़सिन्‍ता।