लुका 18:32 - बान्‍तावा राई

³² म़नाचिआ अ़ङ्‌का निरावाचिओ अ़चुछुक्‌दा ऩपाक्‍ङा, खोन्‍कि अ़ङ्‌का ऩसुङ्‌ङा, अ़ङ्‌साया ऩपेप्‍ङा, ऩथुक्‍ङा।

लुका 18:32 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 20:19

खो सुङ्‌मा, य़हुप पाक्‍मा खोन्‍कि क्रुस्‌दा ख़न्‍मा निम्‍पाङ मोचिआ खो निरावाचिओ अ़चुछुक्‌दा अ़पाक, खोन्‍कि सुम्‌कालेन्‌दा खो स़दाओदाङ्‌का लाखोन्‍लोन।”

मत्‍ति 22:6

निचिआ खोसोओ अ़हारुक्‌चि म़लाउचिकि मोचि अ़त्‍लो म़मुचि खोन्‍कि मोचि म़सेरुचि।

मत्‍ति 26:67

खोन्‍किना मोचिआ खोक्‍कोसोओ अ़चुङाइवादा अ़थुक्‍ता, खोन्‍कि खोक्‍को अ़धात्‍ता, खोन्‍कि खा-खाक्‍कोचिआ ओवात्‍नि य़ङ्‌सा अ़फेङ्‌सा,

मत्‍ति 27:2

खोन्‍किना मोचिआ येसु अ़छ़साकि रोमि धिखाहुप काखाङ पिलातस्‌एदा अ़खात्‍ता।

मर्कुस 14:65

खोन्‍किना खा-खाक्‍कोसाआ खोक्‍को थुक्‍मा अ़पुक्‍ता, खोन्‍कि खोक्‍कोसोओ अ़चुम़क अ़दिप्‍तापुवाकि धात्‌याङ्‌सा अ़लोवा, “साङ्‌आ त़धात्‌याङ, निनाम्‍हाङ्‌य़ङ आन्‍कान्‍का खाएत्‍नि!” खोन्‍कि रात्‍खामिचिआ खोक्‍को अ़खात्‍ताकि अ़धात्‍ता।

मर्कुस 15:1

अ़वाय़ङ खादात्‍मा मुवाङाहिदा मुलो काब़क्‍पाचि, म़नाचिओ अ़चुअ़धुवाचि, खोन्‍कि मोसाओ अ़य़ङ्‌हुप काचिन्‍पाचिकिना धियायोक्‍खादाओचि झारा याम़योआ। खोन्‍कि येसु अ़छ़साकि मोचिआ रोमि हाङ्‌काचि कामु पिलातस्‌एदा अ़खात्‍ता।

लुका 18:33

खोचिआ अ़ङ्‌का य़हुप ऩपाक्‍ङाकि ऩसेत्‍ङा। मेन अ़ङ्‌का सुम्‌कालेन्‌दा खोन्‍ङालोन्‍ङा।”

लुका 23:1

खोन्‍किना मोचि झारा म़पुवालोन्‍ता, खोन्‍कि रोमि हाङ्‌काचि कामु पिलातस्‌एदा येसु अ़खात्‍ता।

लुका 23:11

खोन्‍किना हेरोद खोन्‍कि अ़रात्‍खामिचिआ येसु अ़सुङ्‌ता खोन्‍कि अ़चुसाया अ़पेप्‍ता। खोन्‍किना हाङ्‌आ हुम्‍मायु खान्‍नुओ बोप्‍खु येसु अ़हुप्‍ता खोन्‍कि पिलातस्‌एदा अ़लासाखाइसा।

लुका 23:35

म़नाचि म़एवाकि अ़चोआयुङ्‌साङा खोन्‍कि यहुदि बुसुवाचिआ सुङ्‌याङ्‌सा अ़लोवा, “ओसाआ निचि ना लेइसुचि। ओ निनाम्‍हाङ्‌आ छेन्‍तुओ कालेन्‍पा ख्रिस्‍त हाङ ओनालो आप्‍पिछाङ लेन्‍नान्‍चिन्‍ने।”

युहन्‍ना 18:22

येसु ओवात्‍नि म़य़ङाहिदा अ़चुच़क्‌दा काएप काहुङ्‌चिएदाओ अ़क्‍छाआ ओवात्‍नि य़ङ्‌सा फेङ्‌सु, “दि मुलो काब़क्‍पाओ अ़य़ङ ओवात्‍नि त़लासुङु?”

युहन्‍ना 18:28

खोन्‍किना मोचिआ येसु कैयाफास्‌ओ अ़खिम्‌दाङ्‌का रोमि हाङ्‌मुखा खिम्‌ह्‍यात्‍नि अ़खात्‍ता। मोन्‍ग़रि अ़वाय़ङ्‌साऱङ लिसायुङ्‌सा। पोप्‍तिन्‌कि काक्‍माखात्‍मा चानुचा चामा अ़तोक्‍तिमिन निकिना मोचि रोमि हाङ्‌मुखा खिम्‌दा मान्‌वाङ्‌चि।

युहन्‍ना 18:30

मोचिआ खो अ़लासालोवा, “ओ मान्‍फिकादाओदे आन्‍कान्‍का ओक्‍को खानानिन्‌एदा मान्‍तात्‌दोम्‍काओ।”

युहन्‍ना 18:32

खोक्‍कोसोओ अ़चुस़मा खाउ पाराआ लिओ मोसोओ अ़तुक्‌वा खाङ्‌मुयाङ्‌सा येसु म़चेवाओ य़ङ तालाने निकिना ओवात्‍नि लिसाओ।

युहन्‍ना 18:35

पिलातस्‌आ लासुलो, “दि अ़ङ्‌का यहुदि ओ कि? आम्‍रावाचि खोन्‍कि मुलो काब़क्‍पाचिआ खाना अ़ङ्‌छुक्‌दा ऩपाक्‍ताङ्‌पुवाङ्‌युङ्‌साङ। खाना अ़त्‍लो दे त़चुवायुङ्‌सा?”

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।