लुका 18:12 - बान्‍तावा राई

¹² अ़ङ्‌का सातादा ह्‍वादु मान्‍चामाङ युङ्‌ङा। अ़ङ्‌का तोक्‍तुङ्‌ओ झारा सामाचिओ दस्‌कालोक्‌ओ अ़क लोक प़ङा।’

लुका 18:12 ပူးပေါင်းရင်းမြစ်များ

मत्‍ति 5:20

देकिनालो अ़ङ्‌का खानानिन लोनानिन, आम्‍नुओ साम्‌योक्‍मि य़ङ्‌हुप काचिन्‍पाचि खोन्‍कि फरिसिचिदाङ्‌का च़लोक अ़नुवाक मान्‍लिमाङ्‌तारि खानानिन देम्‍खाछाङ निनाम्‍हाङ्‌होन्‌दा वाङ्‌मा त़ऱन्‍मिन।

मत्‍ति 6:1

“चाप्‍चेत्‍नान्‍चिन्‍सा युङानिन, खानानिन म़नाचिओ अ़चुबुदा खाङ्‌मेत्‍माचि निम्‍पाङ साम्‌योक्‍मि काचि मान्‍मुदानिन। मोवात्‍नि त़च़न्‌नालो निनाम्‍मादु कायुङ आम्‍नुओ पापाएदाङ्‌का खानानिन्‌आ सिरिफा त़तोक्‍तिमिन।

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 9:14

खोन्‍किना बप्‍तिस्‍मा काप़ युहन्‍नाओ अ़काखेङ्‌चि येसुएदा म़ता, खोन्‍कि खोक्‍को अ़सेना, “देकि आन्‍कान्‍का खोन्‍कि फरिसिचि मान्‍चामाङ युङिन्‌येन्‍का, मेन आम्‍नुओ काखेङ्‌चि मान्‍चामाङ ऩयुङ्‌निन?”

लुका 11:42

अ़चाअ़त्‍मादा त़छुक्‍तिन, खानानिन फरिसिचि ओ! देकिनालो होप्‍छोक, च़म्‍सुरा खोन्‍कि झारा लिम्‍खान्‍चिओ दस्‌कालोक्‌दा अ़क लोक त़प़न, मेन खोप्‍लो छ़ङ्‌छेन्‍मा खोन्‍कि निनाम्‍हाङ्‌ओ अ़चुसोमातुक्‍मा ऩङात़छिरुम। मेन नि काचिचि ऩङामान्‍छित्‍माङ ओ काचिचि खानानिन्‌आ मुमा म़दोराङाओ।

लुका 17:10

खोन्‌ओसा खानानिन्‌छाङ लोमाय़ङ्‌वात्‍नि झारा काचि त़मुम्‍चिउम्‌कि ओवात्‍नि य़ङानिन, ‘आन्‍कान्‍का चोन्‍मा अ़खान्‍तिन्‍काओ हारुक माआङ। मुमादोराङाओ आन्‍काओ काचि ओन्‍ङा आन्‍कान्‍का मुम्‌योम्‍काओ।’”

रोमि 3:27

खोन्‍नालो दिसोओ अ़तुक्‌वादा ऱक्‍भाक मुमा? ऱक्‍भाक मुमायु दित्‍छाङ मात्‍द़ङ! दि आन्‍कान य़ङ्‌हुप्‌वा च़न्‌ओसा ओ? माआङ! मेन ओ ना साकोङ्‌छ़ङ्‌ओ अ़तुक्‌वाआ ओ।

१ कोरिन्‍थि 1:29

खोन्‌ओसा निनाम्‍हाङ्‌ओ अ़चुबुदा साङ्‌छाङ ऱक्‍भाक अ़मुनिन्‍ने।

गलाति 1:14

आन्‍काओ रावादा, अ़ङ्‌काएनान अ़क्‍निओचि ब़द्‍धेकापाङ्‌दा अ़ङ्‌का यहुदि साम्‌योक्‌दा बुया पोयाङ, खोन्‍किना अ़ङ्‌सुन्‍तुम्‌चिओ अ़चुच़माथाङ्‌मादा अ़ङ्‌का अ़न्‍नुनु राक़स़रिओ मुवाङ्‌याङ।

एफिसि 2:9

आन्‍कान मुम्‌ओ अ़नुवाक काचिचिलाम्‍पा तोक्‍तुम्‌ओ माआङ्‌ओसाआ साङ्‌छाङ ओसोओ अ़तुक्‌वादा तोक्‍पो लिमा अ़ऱनिन।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।