लुका 18:11 - बान्‍तावा राई

¹¹ फरिसि पुवालोन्‍ताकि अ़कोङ्‌या यामारा, ‘निनाम्‍हाङ्‌पो, अ़ङ्‌का खानानिन आलाङ प़नानिन। देकिनालो अ़ङ्‌का नि म़नाचिवाको काच़न, अ़त्‍लोकाच़, ताङ्‌लान कामु माङ्‌लो ओ दाम्‍दुकालात्‌वाकोछाङ अ़ङ्‌का अ़मुऩङ्‌ऩङ।

लुका 18:11 ပူးပေါင်းရင်းမြစ်များ

मत्‍ति 10:3

फिलिप खोन्‍कि बारथोलोमाइ, थोमा खोन्‍कि दाम्‍दु कालात मत्‍ति, अल्‍फयस्‌ओ अ़छा याकुब खोन्‍कि थेदियस,

मत्‍ति 5:20

देकिनालो अ़ङ्‌का खानानिन लोनानिन, आम्‍नुओ साम्‌योक्‍मि य़ङ्‌हुप काचिन्‍पाचि खोन्‍कि फरिसिचिदाङ्‌का च़लोक अ़नुवाक मान्‍लिमाङ्‌तारि खानानिन देम्‍खाछाङ निनाम्‍हाङ्‌होन्‌दा वाङ्‌मा त़ऱन्‍मिन।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मर्कुस 11:25

खोन्‍कि खानानिन यामात्‍सि त़पुइन्‍लोन्‍तिन्‌हिदा खाक्‍कोसोओ अ़देङ्‌सालाप्‍पादा आम्‍नुओ दिदिचि म़युङ्‌याङ्‌नालो लेत्‍तापुवानुम्‍च़म, खोन्‍किना निनाम्‍मादुओ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

लुका 22:41

खोन्‍किना येसु अ़चुकाखेङ्‌पाचिदाङ्‌का अ़क्‍चित ह्‍यात्‍नि म़खाराकि अ़चुतुम्‍प़छ़क अ़तोम्‍ताकि याम़मारा।

गलाति 3:10

य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”

फिलिप्‍पि 3:6

राक्‌ओ अ़तुक्‌वादाओनालो साम्‍भुङ दुखाकाप, साम्‌योक्‍मिओ अ़तुक्‌वादाओनालो य़ङ्‌हुप्‌वात्‍नि लाहि मात्‍द़ङ्‌ओ अ़ङ्‌का मुवाङ्‌याङ।

खाङ्‌मुमा 3:17

‘अ़ङ्‌का कातोक मुङाङा, अ़ङ्‌काएदा चासुम्‍छेन्‍बि युङ्‌याङ, खोन्‍कि अ़ङ्‌का दित्‍छाङ अ़दोत्‍निन’नि खाना त़य़ङ्‌याङ। मेन खाना त़सिन्‍तुन्‌योन, चाअ़त्‍लो दुखा खाना त़तोक्‌याङ्‌ओ, मान्‍तोक्‍कादा, दोप्‍म़क खोन्‍कि कालाङ्‌द़क त़मुयाङ।