लुका 17:5 - बान्‍तावा राई

⁵ छाम्‍माय़ङ्‌चिआ हाङ्‌पा अ़लोवा, “आन्‍काओ साकोङ्‌छ़ङ पोन्‍निप़नि!”

लुका 17:5 ပူးပေါင်းရင်းမြစ်များ

मर्कुस 6:30

बारकापाङ छाम्‍माय़ङ्‌चि येसुएदा म़लासाता खोन्‍कि झारा खोचिआ अ़मुवाओ खोन्‍कि म़चिन्‍तुचिओ य़ङ्‌चि खोक्‍को खाअ़एत्‍ता।

मर्कुस 9:24

च़क्‍नि मो छाओ अ़पा पाराकि य़ङा, “अ़ङ्‌का साकोङ्‌छ़ङ मुङा, अ़ङ्‌साकोङ्‌छ़ङ मात्‍द़ङ्‌ओदा फासाङ्‌ऩङ!”

लुका 7:13

हाङ्‌पाआ मो मेन्‍मित्‍मा अ़खाकि खोक्‍कोसोओ अ़चुसोम्‍तुआ। खोन्‍कि खोक्‍कोसाआ मो अ़लोवा, “खाना मान्‍खाप्दा!”

लुका 7:19

खोन्‍कि युहन्‍नाआ अ़काखेङ्‌चिएदाओ ह़वाङ बुत्‍तुचिकि हाङ्‌पाएदा सेन्‍सि खाइसुचि, “दि काता खानानिन्‌ङा ओ हे, आन्‍कान्‍का नि हुङुम्‍का ओ?”

फिलिप्‍पि 4:13

साङ्‌आ अ़ङ्‌का सावा ऩप़ङा, खोक्‍कोलाम्‍पाङा अ़ङ्‌का झारा य़ङ मुमा ऱङ।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।