लुका 17:25 - बान्‍तावा राई

²⁵ मेन बुया अ़ङ्‌का ब़द्‍धे दुखा आङ्‌मादोत खोन्‍कि ओ दुङ्‌दाओ म़नाचिआ ऩङाऩछित्‍ङा।

लुका 17:25 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 21:42

येसुआ मोचि म़सेनुचि, “साम्‍कालिन्‌दा छाप्‌याङ्‌ओ ओ य़ङ खानानिन्‌आ मान्‍खिप्‍त़युक्‍तुम? ‘खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक, मो खुचुरोङ्‌दाओ मुलो लुङ्‌ताक म़लिसायुङ्‌सा। ओ हाङ्‌पाआ अ़मुवाओ, खोन्‍कि ओ आन्‍खाङ्‌मादा म़दोम्‍दाओ मुयाङ!’

मर्कुस 10:33

“एनानुम, आन्‍कान यरुसलेम्‌ह्‍यात्‍नि खारिन्‌येन। मोदा म़नाओ अ़छा मुलो काब़क्‍पाचि खोन्‍कि य़ङ्‌हुप काचिन्‍पाचिओ अ़चुछुक्‌दा अ़पाक। मोचिआ खो सेत्‍मादोत निकिना लाहि अ़पाक, खोन्‍कि निरावाचिओ अ़चुछुक्‌दा अ़पाक।

मर्कुस 12:10

साम्‍कालिन्‌दा छाप्‌याङ्‌ओ ओ य़ङ खानानिन्‌आ मान्‍खिप्‍त़युक्‍तुम? ‘खिम कामुचिआ ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

मर्कुस 9:31

देकिनालो खोक्‍कोसाआ अ़चुओ काखेङ्‌पाचि म़चिन्‍तुचि खोन्‍कि म़लोचि, “म़नाओ अ़छा अ़लाप्‌कि म़नाचिओ अ़चुछुक्‌दा अ़पाक। मोचिआ खो अ़सेत, मेन सुम्‌कालेन्‌दा खो लाखोन्‍लोन।”

लुका 18:31

खोन्‍किना येसुआ बारकापाङ अ़चुकाखेङ्‌पाचि अ़क्‍चित ह्‍यात्‍नि म़खात्‍तुचिकि म़लोचि, “खानुम, आन्‍कान यरुसलेम्‌ह्‍यात्‍नि खारिन्‌येन, खोन्‍कि म़नाओ अ़छाओ अ़तुक्‌वादा निनाम्‍हाङ्‌य़ङ खाकालुचिआ अ़छाप्‍ताओ य़ङ्‌चि झारा म़ताला।

लुका 18:33

खोचिआ अ़ङ्‌का य़हुप ऩपाक्‍ङाकि ऩसेत्‍ङा। मेन अ़ङ्‌का सुम्‌कालेन्‌दा खोन्‍ङालोन्‍ङा।”

लुका 9:22

खोन्‍कि खोक्‍को म़य़ङा, “अ़ङ्‌का म़नाओ अ़छाआ ब़द्‍धे दुखा आङ्‌मादोत खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत मेन खो सुम्‌कालेन्‌दा स़दाओदाङ्‌का लाखोन्‍लोन।”

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

युहन्‍ना 12:38

खोन्‌ओसा निनाम्‍हाङ्‌य़ङ खाकालु यसैयाओ अ़य़ङ तामालामा दोराङा, “हाङ्‌पा निनाम्‍हाङ, आन्‌य़ङ्‌खान साङ्‌आ साकोङ्‌छ़ङ मुयुङ्‌सु कि? खोन्‍कि हाङ्‌पा निनाम्‍हाङ्‌ओ अ़चुसावा साङ्‌आ खाकिना?”