13 “काचिन्पा येसु, आन्कान्का सोमातुक्नि!”
मो धिखाहुप्दाङ्का अ़क्छा कनानि मेत्छामा खोक्कोएदा ताकि लो, “हाङ्पो, दाउद्ओ अ़छा, अ़ङ्का सोमायोक्नि! अ़ङ्छा मेत्छाछा छा चाकावालावाआ चाअ़त्लो दुखा प़ङु।”
येसु मोदाङ्का म़खाराङाहिदा ह़वाङ दोप्म़क्चिआ, “दाउद्ओ अ़छा, आन्काच्या सोमातुक्नि!”नि य़ङ्याङ्सा खोक्को अ़त़ङ्ताचु।
“ओ चाकावालावाआ अ़धुन खो लुक्मा निकिना मिदा खोन्कि चाक्वादा वेइसुदिसु। खानानिन मुमा त़ऱम्नालो आन्कान्का सोमातुक्निकि फानि!”
येसुआ मोचि म़खाचिकि म़लोचि, “खानानिन खारानिन्कि निनाम्हाङ काब़क्पाचिएदा खाङ मुसानिन्चिन।” खोन्कि मोचि म़खाराङाहिदाङा म़नुवाखारा।
खोन्कि सिमोन्आ येसु लो, “काचिन्पो आन्कान्काआ ना नाम्तात्लो काचि मुन्काकिछाङ दित्छाङ मान्लाप्दान्का। मेन खानानिन त़य़ङिन्येन्ओसा अ़ङ्का बोप्छ़क वेत्तुङ्ने।”
