लुका 17:1 - बान्‍तावा राई

¹ येसुआ अ़चुकाखेङ्‌पाचि म़लोचि, “म़नाचि हेवादा धान्‍मा चिन्‍माखाङ्‌मा य़ङ्‌चि अ़नुछ्‍याङा म़ता। मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक।

लुका 17:1 ပူးပေါင်းရင်းမြစ်များ

मत्‍ति 16:23

मेन येसु म़हुसान्‍चिन्‌कि पत्रुस अ़लोवा, “सैताना! अ़ङ्‌बुदाङ्‌का खारालावा। खाना अ़ङ्‌लाम काछेक ओ। देकिनालो आम्‍मिन्‍मा निनाम्‍हाङ्‌दाङ्‌काओ माआङ, मेन म़नाएदाङ्‌काओ ओ।”

मत्‍ति 18:7

ओ हेन्‍खामा अ़चाअ़त्‍मादा छुक, देकिनालो म़नाचि हेवा मुमेत्‍मा चिन्‍माखाङ्‌मादा धान्‍तुचि। ओवाको य़ङ्‌चि म़ताङे, मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक!

लुका 16:31

मेन अब्राहाम्‌आ लो, ‘मोसा खोन्‍कि निनाम्‍हाङ्‌य़ङ खाकालुचिओ अ़चुय़ङ मो आम्‍द़क्‍छाबुवाचिआ ऩएनुन्‌नालो ना सुवादाओदाङ्‌का खाक्‍को खोन्‍लोन्‌नुछाङ मोचिआ ऩकित्‍तुन।’”

रोमि 14:13

खोन्‌ओसा आन्‍कान अ़क्‍छा निएदा हान्‌दाङ्‌का छ़ङ अ़छेन्‍तिमिन्‍ने। मेन आन्‍निछाओ अ़लाम्‌दा धुङ्‌मायु माङ्‌लो लाम काछेक य़ङ देम्‍खाछाङ मान्‌युङ्‌दामा अ़छ़ङ मुम्‍ने।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 11:19

आम्‍नुओ रादाओ साङ सोम्‍कुवा मुमा खान्‍तुओ सिन्‍मा निम्‍पाङ खानानिन्‌एदा हामान्‍चिन्‍ङादोत।

१ कोरिन्‍थि 8:13

खोन्‌ओसा अ़ङ्‌का चाङ्‍ओ साआ साकोङ्‌छ़ङ कामु हेवादा धाखा लाम लिनालो अ़ङ्‌का देम्‍खाछाङ सा अ़चाऩङ, मोवात्‍नि अ़ङ्‌का साकोङ्‌छ़ङ कामु हेवादा अ़धान्‍ऩङ।

१ तिमोथि 4:1

सेङ्‌लावा नुलोक म़य़ङ्‌याङ, माय़ङ तायाङ्‌ओ ग़रिदा काम़प लावाचि खोन्‍कि चाकावालावाचिओ अ़चुलाम अ़त़ङ खोन्‍कि खा-खाक्‍कोचिआ अ़चुसाकोङ्‌छ़ङ अ़छित।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।