लुका 16:22 - बान्‍तावा राई

²² अ़क लेन मो मान्‍तोक्‍कादा म़ना सुवादा, खोन्‍कि निनाम्‍हाङ काफाचिआ मो अ़खुयाखात्‍ताकि अब्राहाम्‌ओ अ़च़क्‌दा अ़युङ्‌सा। मो कातोक म़नाछाङ सुवादाकि म़नाचिआ अ़खुम्‍ता।

लुका 16:22 ပူးပေါင်းရင်းမြစ်များ

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मत्‍ति 8:11

अ़ङ्‌का खानानिन लोनाङ्‌नानिन, झारा हेन्‍खामादाओ बुसुहोन, देङ्‌सुहोन्‌याङ्‌का, धाउहोन, ह्‍युहोन्‌युङ्‌का म़नाचि म़ताकि अब्राहाम, इसहाक खोन्‍कि याकुब्‌एनान निनाम्‍हाङ्‌होन्‌दा खाबाचा चाखादा म़युङ।

मर्कुस 8:36

म़नाआ झारा हेन्‍खामा तोक्‍तुकिछाङ अ़ह़ङ्‌म़ङ मासुनालो खोसाआ दि तोक्‍तु कि?

लुका 12:20

मेन निनाम्‍हाङ्‌आ मो अ़लोवा, ‘खामान्‍सिन! आय़ अ़खाखुत्‌ङा आम्‍साक्‍मा खानादाङ्‌का लारुङ खात्‍तुङ, खोन्‍कि आम्‍को निम्‍पाङ त़भुङ्‌सुयुङ्‌सुओ आम्‍सामाचि साङ्‌को म़लि?’

लुका 16:21

मो कातोक म़नाओ अ़कोक चाखादाङ्‌का धाखाराओ अ़चेत्‌वाचि चामाकि अ़बुक भेम्‍मानि लाजरस मिनाङा। कुतिवाचिछाङ म़ताकि अ़खोवाचि अ़लेआङा।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 13:23

खोक्‍कोसोओ अ़चुकाखेङ्‌पाचिएदाओ येसुआ सोमाअ़तुक्‍ताओ अ़चुकाखेङ्‌पा खोक्‍कोसोओ अ़चुकोङ्‌कोम्‌दा नालान्‍चिन्‌कि युङाङा।

युहन्‍ना 21:20

पत्रुस अ़देङ्‌ह्‍यात्‍नि हुसान्‍चिन्‌कि चोउहिदा येसुआ सोमाअ़तुक्‍ताओ अ़चुकाखेङ्‌पा खोचिओ अ़चुदेङ-देङ बानाङाओ खा। खोसाआङा अ़नाम्‍प़क्‌ओ चा-चामा ग़रिदा खोक्‍कोसोओ अ़चुकोङ्‌कोम्‌दा नालान्‍चिन्‌कि, “हाङ्‌पो, खानानिन कालाप्‍प़पा साङ ओ?”नि सेनुओ।

हिब्रु 1:14

खोन्‍नालो निनाम्‍हाङ काफाचिनिओ दि ओ? मोचि म़लेन्‌याङ्‌ओचिओ निम्‍पाङ ब़त्‍सि म़छुत्‍तुचिओ काब़त लावाचि ओ।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

याकुब 1:11

देकिनालो अ़राङ्‌खाखान्‍खा उप्‍लाक्‌वाएनान नाम लोन खोन्‍कि चाच़ङ युलुखाइसु। बुङ्‌वा धाखात खोन्‍कि मोसोओ अ़खान्‍नुमा लुक्‍खात। मोवात्‍निङा कातोक म़नाछाङ अ़काचिचि मुङुचिहिदाङा युन्‍खात।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

खाङ्‌मुमा 14:13

खोन्‍किना निनाम्‍मादुङ्‌का ओवात्‍नि य़ङाओ अ़क्‌तात य़ङ अ़ङ्‌का एनुङ, “ओ छाप्‍तु: ओदाङ्‌का ह्‍यात्‍नि हाङ्‌पाएदा कास़चि आसिखा कातोक्‌चि ओ।” लावा म़य़ङ्‌याङ, “उवा, मोचिओ अ़चुकाचिदाङ्‌का सावा म़तोम, देकिनालो खोचिआ अ़मुवाओ य़ङ्‌दा सिरिफा म़प़चि।”