लुका 16:2 - बान्‍तावा राई

² खोन्‌ओसा कातोक म़नाआ अ़खिम काचि काखाङ्‌पा बुत्‍तुकि लो, ‘आम्‍तुक्‌वादा अ़ङ्‌का ओ दि एनुङ्‌योङ? खाना त़खाङुओ काचिओ छाप्‍मायुङ्‌माय़ङ्‌चि लासाङ्‌पुवाङ। देकिनालो हान्‌दाङ्‌का खाना अ़ङ्‌खिम्‌दा ओ काचि मुमा त़खान्‍नान।’

लुका 16:2 ပူးပေါင်းရင်းမြစ်များ

मत्‍ति 12:36

अ़ङ्‌का खानानिन लोनानिन, झारा सोज्‍जेओ य़ङ खाक्‍को म़नाचि म़चेप, छ़ङ्‌छेन्‍माओ लेन्‌दा मोचिआ म़य़ङाओ झारा अ़चुखिप मोचिआ प़मादोत।

मत्‍ति 20:8

अ़नाम्‍प़क लिसाकिना अङ्‌गुराखाओ अ़हाङ्‌पाआ अ़काचि काखाङ लो, ‘काचि कामुचि बुत्‍तुचिकि आदेङ काताचिदाङ्‌का बुया काताचितारि अ़चुकाचिलुङ्‌चि प़चि।’

लुका 12:20

मेन निनाम्‍हाङ्‌आ मो अ़लोवा, ‘खामान्‍सिन! आय़ अ़खाखुत्‌ङा आम्‍साक्‍मा खानादाङ्‌का लारुङ खात्‍तुङ, खोन्‍कि आम्‍को निम्‍पाङ त़भुङ्‌सुयुङ्‌सुओ आम्‍सामाचि साङ्‌को म़लि?’

लुका 12:42

खोन्‍कि हाङ्‌पाआ म़लासुलोचि, “सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।

लुका 16:1

येसुआ अ़चुकाखेङ्‌पाचि म़लोचि, “अ़क्‍छा कातोक म़नाओ अ़खिम काचि काखाङ्‌पा युङाङा। मोसाआ कातोक म़नाओ अ़चासुम्‍छेन्‍बि मोहा याङुङुओ य़ङ म़नाचिआ मो कातोक म़ना खाअ़एत्‍ता।

लुका 16:3

खिम काचि काखाङ्‌पा आप्‍पि मिना, ‘अ़ङ्‌हाङ्‌पाआ अ़ङ्‌का काचिदाङ्‌का अ़लोन्‍ङाङा। हान अ़ङ्‌का दे च़ङा? व़क धोक्‍माछाङ अ़ङ्‌सावा मात्‍द़ङ, दोत्‍माचामाछाङ अ़ङ्‌लेजो कात।

रोमि 14:12

खोन्‌ओसा आन्‍कान झारासाआ आ-आप्‍पि मुम्‌ओ आन्‍काचिओ अ़खिप निनाम्‍हाङ प़मादोत।

१ कोरिन्‍थि 1:11

अ़ङ्‍ब़ब़, नाना खोन्‍कि निछाचि ओ, आम्‍नुओ तुक्‌वादा क्‍लोएओ अ़खिम्‍लुम्‍पादाङ्‌का आम्‍नुओ रादा त़खिन्‌येन्‌निओ य़ङ अ़ङ्‌का एनुङ्‌युङ्‌सुङ।

१ कोरिन्‍थि 4:2

मोन्‌ओन्‍ङा माआङ, पाङ्‌कातोक्‌चि सोम्‍कुवा मुमा खान्‍तुओचि लिमादोत।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

१ तिमोथि 4:14

खानाएदा याक्‌याङ्‌ओ लावामि सावा मान्‍मान्‍केदो, मो सावा ताङ्‌पाचिआ खोचिओ अ़चुछुक खानाएदा अ़युङ्‌साहिदा निनाम्‍हाङ्‌य़ङ खालुमालाम्‍पा खाना त़तोक्‍तुओ।

१ तिमोथि 5:24

खा-खाक्‍को म़नाचिओ अ़चुहेवाचि छेङ्‌छेङ्‌छेङ्‌वा म़दात, खोन्‍कि मोचि बुयाङा छ़ङ म़छेन, मेन निचिओ अ़चुहेवाचि आदेङ्‌माङ ओन्‍ङा म़दात।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।

१ पत्रुस 4:5

मेन अ़ह़ङ खोन्‍कि म़सुवादाओचिओ अ़चुछ़ङ्‌काछेन निनाम्‍हाङ्‌ओ अ़चुबुदा, मोचिआ अ़मुवाओ अ़चुकाचिओ अ़तुक्‌वादा खाएत्‍मादोत।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।