लुका 16:12 - बान्‍तावा राई

¹² खोन्‍कि खानानिन निचिओ अ़चुचासुम्‌छेन्‍बिदा मिन्‍माआ चालो काचि त़मुन्‍मिन्‌नालो खानानिन्‌आ तोक्‍मादोत्‌याङ्‌ओ आप्‍पिओ चासुम्‍छेन्‍बि साङ्‌आ ऩप़न कि?

लुका 16:12 ပူးပေါင်းရင်းမြစ်များ

लुका 10:42

मेन अ़नुछ्‍याओ अ़नुवाक य़ङ अ़क्‌तात ओन्‍ङा युङ्‌याङ। मो अ़नुवाक य़ङ मरियम्‌आ छेन्‍तुयुङ्‌सु, मो खोएदाङ्‌का अ़ङाप्‍निन।”

लुका 16:11

खोन्‌ओसा हेन्‍खामादाओ चासुम्‍छेन्‍बि त़याङुम्‌योम्‌हिदा मिन्‍माआ चालो काचि त़मुन्‍मिन्‌नालो निनाम्‍मादुओ अ़नुछ्‍याओ चासुम्‍छेन्‍बिओ पाङ्‌खुन साङ्‌आ खानानिन ऩप़न?

लुका 16:13

खाक्‍कोछाङ हारुक्‌आ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु माङ्‌नालो मोसाआ अ़क्‍छा साया मेत्‍तु, खोन्‍कि नि ऩङाछिरु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।”