लुका 15:29 - बान्‍तावा राई

²⁹ मेन अ़कुम्‍पाछाआ अ़पा ओवात्‍नि लो, ‘खानुम! ओन्‍कादोङ्‌तारि अ़ङ्‌का आम्‍नुओ निकि काचि मुङाङा खोन्‍कि खानानिन्‌आ त़लोनिओ झारा य़ङ्‌चि मुङ्‌युङ्‌सुङ्‌च़ङ। मेन खानानिन्‌आ अ़ङ्‌का देम्‍खाछाङ अ़ङ्‌यावाचिएनान खाबाचा चामा अ़क्‌तात मेनेत्‍छाछाङ मान्‍प़त़दानि।

लुका 15:29 ပူးပေါင်းရင်းမြစ်များ

मत्‍ति 20:12

मोचि म़य़ङा, ‘ओ आदेङ काता म़नाचि अ़क कोम ओन्‍ङा काचि म़मुवा, मेन खानानिन्‌आ मोचि आन्‍कान्‍का नाम्‍प़क्‍लो अ़खोलेन्‌ओ नाम काआङ काचि कामुचिएनान अ़क्‍निवा काचिलुङ त़प़नियुङ्‌नि।’

लुका 15:28

मेन कुम्‍पाछाओ अ़माइसुङ कारा, खोन्‍कि खिम्‍हुत्‌दा वाङ्‌माछाङ छुन्‍ता। खोन्‌ओसा अ़पा लोन्‍ताकि अ़छा सोन्‍तु।

लुका 15:30

मेन आम्‍नुओ छेन्‍बि ओगिबेखाचिएनान कायाङ ओ आम्‍नुओ छा ताहिदा खानानिन्‌आ पित्‌ओ नुम्‍माय़ङ अ़नावाराछा खोसोओ निकि त़सेरुम!’

लुका 15:7

अ़ङ्‌का खानानिन लोनानिन, मोवात्‍निङा हेवादाङ्‌का लामा अ़दोत्‍निन्‌ओ उनान्‍सयेकापाङ साम्‌योक्‍मिचिएदाङ्‌का हेवादाङ्‌का काला अ़क्‍छा हेवामिओ निकि निनाम्‍मादु झारासोओ ब़द्‍धे अ़चुऩङानु।”

लुका 17:10

खोन्‌ओसा खानानिन्‌छाङ लोमाय़ङ्‌वात्‍नि झारा काचि त़मुम्‍चिउम्‌कि ओवात्‍नि य़ङानिन, ‘आन्‍कान्‍का चोन्‍मा अ़खान्‍तिन्‍काओ हारुक माआङ। मुमादोराङाओ आन्‍काओ काचि ओन्‍ङा आन्‍कान्‍का मुम्‌योम्‍काओ।’”

लुका 18:9

खोन्‍किना येसुआ आप्‍पिओन साम्‌योक्‍मिनि सोम्‍कुवा कामुचि खोन्‍कि निचि दिसुवा मान्‍मित्‍कादा खा-खाक्‍कोचि ओ दोय़ङ्‌ला खाम़एत्‍तुचि,

लुका 19:21

देकिनालो खानानिन अ़ऱन्‍मिन्‌ओ म़ना त़याइन्‌येन। खोन्‌ओसा खानानिन्‌दाङ्‌का अ़ङ्‌क़माकारा। दि मान्‌युङ्‌त़दोम, मो खानानिन त़लामुम। दि मान्‌वेत्‍त़दोम, मो त़हेक्‍तुम।’

रोमि 10:3

देकिनालो निनाम्‍हाङ्‌दाङ्‌का ताओ साम्‌योक्‍मिओ अ़तुक्‌वादा मान्‍सिन्‌अ़दा खोन्‍कि मोचिआ आप्‍पिओ अ़चुकाचिआ अ़नुवाक लिमा म़लामा। मोवात्‍नि मोचि निनाम्‍हाङ्‌एदा प़मान्‍चिन म़छुन्‍ता।

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 3:27

खोन्‍नालो दिसोओ अ़तुक्‌वादा ऱक्‍भाक मुमा? ऱक्‍भाक मुमायु दित्‍छाङ मात्‍द़ङ! दि आन्‍कान य़ङ्‌हुप्‌वा च़न्‌ओसा ओ? माआङ! मेन ओ ना साकोङ्‌छ़ङ्‌ओ अ़तुक्‌वाआ ओ।

रोमि 7:9

अ़क्‍दु य़ङ्‌हुप्‌ओ अ़तुक्‌वादा मान्‍सिन्‌युक्‍तुङ्‌हिदा अ़ङ्‌का ह़ङाङ्‌याङ। मेन लोमाय़ङ सिन्‍तुङ्‌किना अ़ङ्‌ह़ङ्‌म़ङ्‌दा हेवा ह़ङालोन्‍ता खोन्‍कि अ़ङ्‌का सुवाङ।

खाङ्‌मुमा 2:17

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का मो सुकुलादाओ मन्‍ना प़ङ, खोन्‍कि अ़ङ्‌का मो अ़ऩङ्‌वा ऩङ छाप्‌याङ्‌ओ अ़क्‌तात ओम्‌याङ्‌ओ लुङ प़ङ, मो लुङ कातोक्‌आ ओन्‍ङा मो ऩङ सिन्‍तु।

खाङ्‌मुमा 3:17

‘अ़ङ्‌का कातोक मुङाङा, अ़ङ्‌काएदा चासुम्‍छेन्‍बि युङ्‌याङ, खोन्‍कि अ़ङ्‌का दित्‍छाङ अ़दोत्‍निन’नि खाना त़य़ङ्‌याङ। मेन खाना त़सिन्‍तुन्‌योन, चाअ़त्‍लो दुखा खाना त़तोक्‌याङ्‌ओ, मान्‍तोक्‍कादा, दोप्‍म़क खोन्‍कि कालाङ्‌द़क त़मुयाङ।