लुका 14:21 - बान्‍तावा राई

²¹ खोन्‍कि अ़हारुक लासाबानाकि अ़हाङ्‌पा ओ य़ङ खाएत्‍तु। खोन्‍किना खिम्‍हाङ्‌पाओ अ़चुमाइसुङ्‌कारा खोन्‍कि अ़हारुक लो, ‘मुलो लाम्‌चिदा खोन्‍कि अ़चुप्‍पो लाम्‌चिदा च़क्‍नि खाराकि मान्‍तोक्‍कादा, पेसोला, दोप्‍म़क खोन्‍कि एक्‍सोक्‌वाचि ओदा तारुचि।’

लुका 14:21 ပူးပေါင်းရင်းမြစ်များ

लुका 14:13

मेन खाना चा त़प़चिहिदा मान्‍तोक्‍कादा, पेसोला, एक्‍सोक्‌वा खोन्‍कि दोप्‍म़क्‌चि बुत्‍तुचि,

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

युहन्‍ना 9:39

खोन्‍किना येसु म़य़ङा, “मान्‍खाङ्‌कादाचिआ अ़खाङ्‌ने खोन्‍कि काखाङ्‌चि दोप्‍म़क म़लिने। ओवाको छ़ङ्‌छेइसि अ़ङ्‌का ओ हेन्‍खामादा ताङ्‌ओ।”

लुका 14:24

अ़ङ्‌का खाना लोना, बुया बुत्‍माय़ङ म़नाचिएदाङ्‌का साङ्‌आछाङ अ़ङ्‌खाबाचा छेम्‍मा ऩतोक्‍तुन।’”

हिब्रु 2:3

हान आन्‍कान ओन तोक्‍पो लेन्‍मा ऩङाछिरुम्‌नालो आन्‍कान देत्‍नि निनाम्‍हाङ्‌ओ अ़चुदन्‍दादाङ्‌का फुङ्‌मा ऱन? अ़ऱन्‍मिन! देकिनालो ओ लेन्‍मा बुयाओदु हाङ्‌पाआङा खाअ़लुसा ओ, खोन्‍कि खोक्‍कोसोओ अ़चुय़ङ काएन म़नाचि आन्‍कान अ़छ़ङ सालुम्‍स़ङ म़पुवा।

खाङ्‌मुमा 22:17

सेङ्‌लावा खोन्‍कि सायाकाकाम्‍मा म़य़ङ्‌याङ, “तानिन!” साङ्‌आ एनु मो य़ङ्‌ने, “तानिन।” साङ वामित्‍मा स़, मो ताने, साङ मिन मोसाआ ह़ङ्‌म़ङ्‌ओ चाक्‌वा मोहाङा दुङुने।

खाङ्‌मुमा 19:15

रावा-रावाचि धेत्‍मा खोक्‍कोसोओ अ़चुदोदाङ्‌का अ़हास़रिओ बान्‍छोन लोन, खोन्‍कि खोक्‍कोसाआ काकाराओ रोलाआ मोचिएदा हाङ्‌काचि म़मु। खोक्‍कोसाआ झारा सावापोरिओ निनाम्‍हाङ्‌ओ अ़चुमाइसुङ्‌ओ च़ऱपाआ अङ्‌गुरा खोक्‍खा अ़नेप।

हिब्रु 13:17

आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

मत्‍ति 11:28

झारा त़होत्‍तिन्‌ओ खोन्‍कि पाङ्‌आ त़तिमिन्‌ओचि ओ, अ़ङ्‌काएदा तानिन। अ़ङ्‌का खानानिन सावातोम्‍मा प़नानिन।

लुका 9:10

बारकापाङ छाम्‍माय़ङ्‌चि येसुएदा म़लासाता खोन्‍कि झारा खोचिआ अ़मुवाओ काचि येसु खाअ़एत्‍ता। खोसाआ मोचि म़खात्‍तुचिकि बेथसेदानिओ तेन्‌दा नि म़नाचिआ मान्‍सिन्‍माङ म़खारा।

मत्‍ति 18:31

खोसोओ नि अ़यावा हारुक्‌चिआ मो अ़खाकि मोचि अ़न्‍नुनु हिदुक म़मुवा। खोन्‍कि मोचि म़खाराकि मो य़ङ अ़चुहाङ्‌पा खाअ़एत्‍ता।

मत्‍ति 15:12

खोन्‍किना अ़चुकाखेङ्‌पाचि खोक्‍कोएदा म़ताकि अ़सेना, “दि खानानिन्‌आ त़सिन्‍तुम्‌योम, आम्‍नुओ य़ङ अ़एनाकि फरिसिचिओ अ़चुमाइसुङ्‌कारायुङ्‌सा?”

लुका 14:20

नितात्‍साआ लो, ‘अ़ङ्‌का सायाकाम्‍साङ्‌युङ्‌साङ, खोन्‌ओसा अ़ङ्‌का बान्‍मा अ़ऱऩङ।’

लुका 14:22

खोन्‍कि अ़हारुक्‌आ लो, ‘हाङ्‌पो, खानानिन त़लोनिवात्‍नि काचि लिसायुङ्‌सा, खोन्‍कि हान्‍छाङ मोदा युङ्‌खा याक्‌याङ।’

मत्‍ति 20:7

मोचिआ खो अ़लासालोवा, ‘देकिनालो साङ्‌आछाङ आन्‍कान्‍का काचिदा मान्‍पाक्‍ऩदान्‍का।’ खोसाआ मोचि लोचि, ‘खानानिन्‌छाङ अ़ङ्‌अङ्‌गुराखादा खारानिन्‌कि काचि मुवानिन।’