लुका 14:13 - बान्‍तावा राई

¹³ मेन खाना चा त़प़चिहिदा मान्‍तोक्‍कादा, पेसोला, एक्‍सोक्‌वा खोन्‍कि दोप्‍म़क्‌चि बुत्‍तुचि,

लुका 14:13 ပူးပေါင်းရင်းမြစ်များ

मत्‍ति 15:30

खोन्‍कि अ़धिवो म़ना मुक्‍लाचि खोक्‍कोएदा म़ता। मोचिआ एक्‍सोक्‌वा, पेसोला, दोप्‍म़क, क़वा खोन्‍कि नि ब़द्‍धेकापाङ खोक्‍कोएदा अ़क्‍नि म़तारुचि। खोन्‍कि मोचिआ खोक्‍कोसोओ अ़चुबुदा अ़युक्‍ता, खोन्‍कि खोक्‍कोसाआ मोचि म़नुसुचि।

मत्‍ति 22:10

खोन्‍किना मो अ़हारुक्‌चि लाम्‌चिदात्‍नि म़खाराकिना म़धिरुचिओ अ़अ़त्‍पा खोन्‍कि अ़नुवाक झारा म़कोउचि, खोन्‍कि सायाकाम्‍खा खिम तावाङ्‌चिआ अ़भेप्‍ता।

लुका 11:41

आम्‍नुओ कोङ्‌हुत्‌दाओ अ़नुछ्‍या मिन्‍माआ मान्‍तोक्‍कादाचि मोहा पुवानुम्‍च़म, मोवात्‍नि त़च़न्‌नालो आम्‍नुओ नि झारा य़ङ्‌चि म़सेङ।

लुका 14:12

खोन्‍कि येसुआ चा काप़ म़ना अ़लोवा, “खाना अ़खोलेन्‌ओ माङ्‌नालो अ़नाम्‍प़क्‌ओ चा त़प़चिहिदा आम्‌यावाचि, आम्‍द़क्‍छा बुवाचि, आम्‍दाक्‍मित्‌चि माङ्‌नालो कातोक तेन्‍पाङ्‌चि मान्‍बुत्‌दोचि। मोवात्‍नि त़च़नालो मोचिआ खानाछाङ अ़फान्‌दा ऩबुत्‌कि ऩलाछोत।

लुका 14:14

खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

लुका 14:21

खोन्‍कि अ़हारुक लासाबानाकि अ़हाङ्‌पा ओ य़ङ खाएत्‍तु। खोन्‍किना खिम्‍हाङ्‌पाओ अ़चुमाइसुङ्‌कारा खोन्‍कि अ़हारुक लो, ‘मुलो लाम्‌चिदा खोन्‍कि अ़चुप्‍पो लाम्‌चिदा च़क्‍नि खाराकि मान्‍तोक्‍कादा, पेसोला, दोप्‍म़क खोन्‍कि एक्‍सोक्‌वाचि ओदा तारुचि।’

छाम्‍माय़ङ 9:39

खोन्‍किना पत्रुस चुम्‍सान्‍चिन्‌कि मोचिएनान खारा। मोया तालाकि म़नाचिआ खो खिम्‌ओ धाक्‍कोछान्‌दु अ़वाक्‍ता। झारा मेन्‍मित्‍माचिआ खो अ़कोम्‍ताखात्‍ताकिना दोरकास खोचिएनान युङाङाहिदा बोचिओ बोप्‍खुचि खोन्‍कि नि तित्‌चि खाप्‌याङ्‌सा खो खाङ्‌अ़मेत्‍ता।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

तितस 1:8

खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

फिलेमोन 1:7

निछा ओ, खानाआ सोमात़तुक्‍तुचिओसा ब़द्‍धे अ़ङ्‌ऩङानुवायुङ्‌सा खोन्‍कि ब़द्‍धे अ़ङ्‌सोम सुवायुङ्‌सा, देकिनालो खानाआ निनाम्‍हाङ्‌ओ अ़म़नाचिओ अ़चुसाकोङ्‌वा चानुलो त़मेत्‍तुप़युङ्‌सुचि।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।