लुका 13:7 - बान्‍तावा राई

⁷ खोन्‍किना मोसाआ अङ्‌गुराखा काखाङ म़ना लो, ‘खाखो, अ़ङ्‌का ताङ्‌कि ओ वासिताङ्‌दा अ़सिवा लामुङ्‌योङ्‍ओ सुम्‌कादोङ लिसा। मेन अ़क्‍बोप्‌छाङ मान्‍धित्‌युक्‍तुङ। ओ धेरु तेइसु। देकि ओसाआ व़क काक्‍मेत्‍मा?’

लुका 13:7 ပူးပေါင်းရင်းမြစ်များ

मत्‍ति 7:19

अ़नुवाक सिवा मान्‍सिकादा स़ङ्‌ताङ झारा म़धेत्‍तेन, खोन्‍कि मिदा म़वेन्‍दि।

लुका 13:8

खोन्‍कि अङ्‌गुराखा काखाङ म़नाआ लासुलो, ‘हाङ्‌पो, ओ हान अ़क दोङ याक्‍मा पुवानुम। खोन्‍कि अ़ङ्‌का ओसोओ ऱङ्‌कोप्‍नि धोक्‍तुङ्‌कि म़ला पाक्‍तुङ्‌ने।

लुका 3:9

ओन्‍ग़रिङा स़ङ्‌ताङ्‌चिओ अ़चुभेन्‌दा छ़ङ छेन्‍माओ बान्‍त युङ्‌सुचिउयुङ्‌सु। अ़नुवाक सिवा अ़सिनिन्‌ओ झारा स़ङ्‌ताङ्‌चि तेइसुचिकि मिदा वेइसुदिसुचि।”

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

युहन्‍ना 15:6

साङ अ़ङ्‌काएदा अ़याक्‍निन, मो अ़खेत्‌वात्‍नि बुङ्‌खाया वेत्‍खान, खोन्‍कि मो छोप्‍खात। ओवाको अ़खेत्‍चि म़नाचिआ म़कोउचिकि मिदा म़वेइसुदिसुचि, खोन्‍कि मोचि म़ह़त्‍खात।