लुका 13:4 - बान्‍तावा राई

⁴ माङ्‌नालो खानानिन देत्‍नि त़मिनिन? सिलोआम्‌दाओ तुङ तियाकि अथारकापाङ म़सुवा। दि मोचि झारा यरुसलेम्‌दा कायुङ्‌चिदाङ्‌का च़लोक हेवामिचि ओ कि?

लुका 13:4 ပူးပေါင်းရင်းမြစ်များ

मत्‍ति 18:24

खोन्‍कि मोसाआ अ़खिप्‍मा लात्‍मा पुङ्‌सु। दस हजारा बेखाओ हाराक्‌वाओ फेक्‌वा नाक कालोक अ़क्‍छा खोएदा तारा।

मत्‍ति 6:12

खोन्‍कि आन्‍काओ हेवाचि लेत्‍निप़नि, देत्‍नि आन्‍कान्‍काछाङ आन्‍काओ देङ्‌सालाप्‍पादा हेवा कामुचि लेत्‍तुम्‍च़म्‍का।

लुका 11:4

आन्‍काओ हेवाचि लेत्‍निप़नि देत्‍नि आन्‍कान्‍काछाङ आन्‍काओ देङ्‌सालाप्‍पादा अ़त्‍लो कामुचि झाराकापाङ लेत्‍तुम्‍च़म्‍का। खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि।’”

लुका 13:3

अ़ङ्‌का खानानिन लोनानिन, माआङ! मेन खानानिन्‌छाङ आम्‍नुओ हेवादाङ्‌का त़लासिमिन्‌नालो झारा मोवात्‍निङा त़लुक्‍तिन।

लुका 13:5

अ़ङ्‌का खानानिन लोनानिन। माआङ, खानानिन्‌छाङ आम्‍नुओ हेवादाङ्‌का त़लासिमिन्‌नालो झारा मोवात्‍निङा त़लुक्‍तिन।”

युहन्‍ना 9:11

मोसाआ लासुलोचि, “येसुनिओ अ़क्‍छा म़नाआ बाखा होलुकि अ़ङ्‌म़क्‌दा अ़पाक्‍ताङ्‌पुवाङ खोन्‍कि अ़ङ्‌का अ़लोवाङ, ‘सिलोआम वाताम्‍खादा खारा खोन्‍कि वास़।’ खोन्‍कि खाराङ्‌कि अ़ङ्‌का वास़ङ खोन्‍कि अ़ङ्‌का खा-खाङ्‌मा रुवाङ।”

युहन्‍ना 9:7

खोन्‍कि खोक्‍कोसाआ मो अ़लोवा, “खारा, सिलोआम वाताम्‍खादा खाराकि वास़।” खोन्‍किना मो म़ना खाराकि वास़, खोन्‍कि खाकाखाङ लिसाकि लासा। (सिलोआम्‌ओ अ़तुप्‌य़ङ छुत्‍माय़ङ्‍ओ)।

छाम्‍माय़ङ 28:4

मो खाम्‍दाक्‌दाओ म़नाचिआ पावल्‌ओ अ़छुक्‌दा प़ क़ङ्‌साङाओ अ़खाकिना अ़क्‍छा निएदा लोम़मुवा, “अ़नुछ्‍याङा ओ म़ना ना म़ना कासेत्‌ङा ओ! धियाङ्‌वामादाङ्‌का लेरानुछाङ छ़ङ्‌काछेन माङ्‌माआ ओ ह़ङ्‌मा अ़प़न।”