लुका 13:24 - बान्‍तावा राई

²⁴ “चुकुवाहुत्‍हुत्‌ओ लाप्‍तिखोप्‌दाङ्‌का निनाम्‍हाङ्‌ओ अ़चुहाङ्‌होन्‌दा वाङ्‌मा लामानिन। देकिनालो अ़ङ्‌का खानानिन लोनानिन, ब़द्‍धे म़नाचि वाङ्‌मा म़लाम, खोन्‍नुछाङ ऩऱनिन।

लुका 13:24 ပူးပေါင်းရင်းမြစ်များ

मत्‍ति 11:12

बप्‍तिस्‍मा काप़ युहन्‍नाआ खालुसुओदाङ्‌का आइमित्‌तारि निनाम्‍हाङ्‌होन सावाएनान पोन्‌याङ, खोन्‍किना सावापोरिओ म़नाचिआ राकाङ्‌थेत्‍नि ओ छेक्‍मा अ़लाप्‌याङ।

लुका 13:23

खोन्‍कि अ़क्‍छाआ येसु अ़सेना, “हाङ्‌पो, दि निनाम्‍हाङ्‌आ अ़क्‍चिलोक म़नाचि ओन्‍ङा म़लेइसुचि?” येसुआ मोचि म़लोचि,

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

युहन्‍ना 13:33

अ़चुप्‍पो छाचिओ, अ़क्‌ग़रि अ़ङ्‌का खानानिन्‌एनान युङ्‌ङा! खानानिन्‌आ अ़ङ्‌का त़लाम्‍ङाऩङ, खोन्‍कि देत्‍नि अ़ङ्‌का यहुदि बुसुवाचि लोङ्‌च़ङ, हान खानानिन्‌छाङ अ़ङ्‌का लोनानिन, ‘खादा अ़ङ्‌का खात्‍ङाङा, खानानिन तामा त़ऱन्‍मिन।’

युहन्‍ना 5:4

देकिनालो निनाम्‍हाङ पापाओ अ़क्‍छा अ़चुकाफाआ अ़दु-अ़दु वाताम्‍खादा धाकि चाक्‌वा लोङ्‌सुप़ङुचि। लोङ्‌साङाओ ग़रि झारादाङ्‌का बुया वाताम्‍खादा कावाङ, दियाको सारिमाआ लाउओ नुछाङ मो नुवालावाङा।]

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 7:34

खानानिन्‌आ अ़ङ्‌का त़लाम्‍ङाऩङ, मेन त़धित्‍ऩङ्‌ऩम़ङ, खोन्‍कि खादा अ़ङ्‌का युङ्‌ङा, खानानिन तामा त़ऱन्‍मिन।”

युहन्‍ना 8:21

येसुआ मोचि हान्‍छाङ म़लोचि, “अ़ङ्‌का खात्‍ङालोन्‍ङा, खोन्‍कि खानानिन्‌आ अ़ङ्‌का त़लाम्‍ङाऩङ, खोन्‍कि खानानिन आम्‍नुओ हेवादा त़स़न। खादा अ़ङ्‌का खात्‍ङाङा, खानानिन तामा त़ऱन्‍मिन।”

रोमि 10:3

देकिनालो निनाम्‍हाङ्‌दाङ्‌का ताओ साम्‌योक्‍मिओ अ़तुक्‌वादा मान्‍सिन्‌अ़दा खोन्‍कि मोचिआ आप्‍पिओ अ़चुकाचिआ अ़नुवाक लिमा म़लामा। मोवात्‍नि मोचि निनाम्‍हाङ्‌एदा प़मान्‍चिन म़छुन्‍ता।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।