लुका 13:11 - बान्‍तावा राई

¹¹ खोन्‍कि मोदा अ़क्‍छा मेत्‍छामा याआङा। मो अथारकादोङ बुयादाङ्‌का चाकावालावाआ लाउकि कुङ्‌ताखारायुङ्‌सा। खोन्‍कि मो मेत्‍छामा फेमान्‍चिन्‌ङा मान्‍ऱयाङ।

लुका 13:11 ပူးပေါင်းရင်းမြစ်များ

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मर्कुस 9:21

खोन्‍कि येसुआ छाओ अ़पा अ़सेना, “खो ओवात्‍नि लियाङ्‌ओ देम लिसा?” खोसाआ लासुलो, “अ़छायुङ्‌काङा।”

लुका 13:12

येसुआ मो मेत्‍छामा अ़खाकि अ़चुबुदा अ़बुत्‍ता, खोन्‍कि खो अ़लोवा, “आनो, खाना आम्‍सारिमादाङ्‌का त़नुवा।”

लुका 13:16

खोन्‍कि अब्राहाम भुङ्‌ओ ओ मेत्‍छामा अथारकादोङ्‌तारि सैतानाआ छ़सुयुङ्‌सुओ। सावातोम्‍खा-लेन्‌दा छ़माय़ङ्‌दाङ्‌का मो फोङ्‌मालोन्‍मा मान्‍नुयाङ कि?”

लुका 21:28

ओ य़ङ्‌चि लिमा पुङ्‌सुङुचिहिदा पुवालोन्‍तानिन्‌कि आम्‍नुओ ताङ्‌चि ङोङ्‌सानुम्‍च़म। देकिनालो निनाम्‍हाङ्‌आ खानानिन लेन्‍मा ग़रि च़क्‌दा तायाङ।”

लुका 8:2

खोन्‍किना चाकावालावाचिकि सारिमादाङ्‌का म़नुवाओ नि देम्‌कापाङ मेत्‍छामाचिछाङ म़याआङा। मोचिएदाङ्‌का अ़क्‍छा मग्‍दालादाओ मरियम याआङा, मोएदाङ्‌का येसुआ सात्‌कातात चाकावालावाचि म़लोइसुचिओ।

लुका 8:27

खोन्‍कि येसु नावादाङ्‌का धियाङ्‌वामाओ अ़केम्‌दा म़लोन्‍ता मोन्‍ग़रि, मो सहरादाओ अ़क्‍छा चाकावालावाआ लाउओ म़ना येसु तुप्‍सि ता। मो म़ना ब़द्‍धेकालेन बुयादाङ्‌का तित मान्‍हुम्‌याङ, खोन्‍कि खिम्‌दाछाङ मान्‌युङ्‌याङ, मेन एप्‍मालाचिदात्‍नि युङालुक्‍ता।

लुका 8:43

खोन्‍कि बारकादोङ बुयादाङ्‌का ह़ सोन्‍मायुङ्‌मा सारिमाआ लाउओ अ़क्‍छा मेत्‍छामा मो म़ना मुक्‍लादा युङाङा, मेन मो मेत्‍छामा साङ्‌आछाङ नुमा मान्‍ऱअ़युक्‍ता।

छाम्‍माय़ङ 3:2

अ़माआ तोक्‍तुओ ग़रिदाङ्‌काङा अ़क्‍छा पेसोला म़ना युङाङा, खो अ़लेन्‍खिन्‍तुम अ़म़नाचिआ अ़खुयाताराकि खान्‍नुओनि अ़लोवाङाओ निनाम्‍हाङ ब़क्‍खाखिम्‌ओ अ़वाङ्‌खा लाम्‌दा निनाम्‍हाङ ब़क्‍खाखिम्‌दा कावाङ म़नाचिएदा फेक्‌वा दोत्‍ने निकिना अ़युङ्‌सादाङा।

छाम्‍माय़ङ 4:22

मो म़दोम्‍दाओ काचिलाम्‍पा नुवाओ म़ना चालिस्‌कादोङ्‌दाङ्‌का च़लोक बात्‍तुङु।