लुका 12:36 - बान्‍तावा राई

³⁶ हाङ्‌पा सायाकाम्‍माओ खाबाचादाङ्‌का लाबान्‌कि लाप्‍तिखोप तोलुहिदा च़क्‍नि लाप्‍तिखोप होत्‍माप़मा काऱ हारुक्‌चिवात्‍नि खानानिन लिसानिन।

लुका 12:36 ပူးပေါင်းရင်းမြစ်များ

लुका 12:35

हारुक्‌चि चुम्‍सिन्‌युङ्‌सिन्‍चिन्‌वा आम्‍नुओ छुमाय़क्‌दा छिप्‍माय़ङ छिआनुम खोन्‍कि आम्‍नुओ खाउप्‍खाचि लेइसायुङ्‌सानुम्‍च़म।

लुका 12:37

मो हारुक्‌चि आसिखा कातोक्‌चि ओ, साङ्‌चिओ अ़चुहाङ्‌पा खिम्‌दा लाताहिदा मान्‌इम्‍दाम़युक्‌ओ म़धिरुचि। अ़ङ्‌का खानानिन नुछ्‍याङा लोनानिन, हाङ्‌पाआ अ़छुमाय़क छ़सुकि मो हारुक्‌चि चा चाखादा चासि युङ्‌म़मेत्‍तुचि खोन्‍कि खो वाङ्‌कि मोचि म़ब़रुचि।

खाङ्‌मुमा 19:7

आन्‍कान आन्‍ऩङानुसिन्‍चिन्‍ने खोन्‍कि ऩङ्‌नुखालोक्‍ताखा मुन्‍ने, खोक्‍कोसोओ अ़चुऩङ लोङ्‌सुम्‍ने! देकिनालो थुबाछाओ अ़चुसायाकाम्‍मा ग़रि तायुङ्‌सा, खोन्‍कि खोक्‍कोसोओ अ़चुसायाकाकाम्‍मा आप्‍पि मोसोओ निम्‍पाङ म़चुम्‍सान्‌युङ्‌सान्‍चिन।

खाङ्‌मुमा 3:20

खानुम! अ़ङ्‌का लाप्‍तिखोप्‌दा एप्‍माकि मोउङ। साङ्‌आ अ़ङ्‌य़ङ एनुकि लाप्‍तिखोप अ़होत्‍ङाप़ङानालो अ़ङ्‌का मो हुत्‌दा वाङ्‌ङा खोन्‍कि खोएनान चा चाङा, खोन्‍कि खो अ़ङ्‌काएनान चा।