लुका 12:21 - बान्‍तावा राई

²¹ आप्‍पिओ निकि चासुम, छेन्‍बि काभुङ, मेन निनाम्‍हाङ्‌ओ अ़चुबुदा मान्‍तोक्‍कादा म़ना ओवात्‍निङा लि।”

लुका 12:21 ပူးပေါင်းရင်းမြစ်များ

लुका 12:33

आम्‍नुओ चासुम्‍छेन्‍बिचि इनानुम्‍च़म्‌कि मान्‍तोक्‍कादाचि पुवानुम्‍च़म। मोवात्‍नि त़च़न्‌नालो आम्‍नुओ निकि अ़पेत्‍निन्‍खात्‍निन्‌ओ दोन्‍दिचि बान्‌युङ्‌सिन्‌वा लि, खोन्‍कि देम्‍खाछाङ अ़लुक्‍निन्‍खात्‍निन्‌ओ छेन्‍बि निनाम्‍मादु भुङ्‌सिन्‌युङ्‌सिन्‌वा लि। मोदु काख़पाछाङ अ़तानिन, खोन्‍कि भेवाआछाङ अ़लुक्‍तुन।

लुका 16:11

खोन्‌ओसा हेन्‍खामादाओ चासुम्‍छेन्‍बि त़याङुम्‌योम्‌हिदा मिन्‍माआ चालो काचि त़मुन्‍मिन्‌नालो निनाम्‍मादुओ अ़नुछ्‍याओ चासुम्‍छेन्‍बिओ पाङ्‌खुन साङ्‌आ खानानिन ऩप़न?

लुका 6:24

मेन अ़चाअ़त्‍मादा त़छुक्‍तिन कातोक म़नाचि ओ! देकिनालो खानानिन्‌आ आम्‍नुओ सोम्‍सुवाओ ह़ङ्‌म़ङ झारा त़तोक्‍तुम्‌चिउम।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

१ तिमोथि 6:9

मेन खाक्‍को म़नाचि कातोक लिमा म़लाम, मोचि चिन्‍माखाङ्‌मादा म़छुक, खोन्‍कि वाय़दा म़धा खोन्‍कि ब़द्‍धे खामान्‍सिन खोन्‍कि क़माकात्‍तुओ मिन्‍मादा म़वाङ। मोसाआ म़नाचि चिन्‍मा खोन्‍कि लुक्‍मादा सारुचि।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।