लुका 12:1 - बान्‍तावा राई

¹ मोवात्‍नि लिसाङाहिदा मोदा ब़द्‍धेकाहजाराओ मुक्‍ला म़कोवान्‍चिन्‌ओसा अ़क्‍छा निएदा नेप्‍कानेप मुमा अ़पुङ्‌सा। येसुआ बुया अ़चुकाखेङ्‌पाचि लोमा म़पुङ्‌सुचि, “फरिसिचिओ खमिरादाङ्‌का चाप्‍चेत्‍तानिन्‍चिन। मोवात्‍नि च़मा मोचिओ कोङ्‌क़त्‌वा काचि ओ।

लुका 12:1 ပူးပေါင်းရင်းမြစ်များ

लुका 11:44

अ़चाअ़त्‍मादा त़छुक्‍तिन! देकिनालो खानानिन सिन्‍मा अ़ऱन्‍मिन्‌ओ एप्‍माचिवाको त़मुन्‌येन, खोन्‍कि मो दुङ्‌दा काकोन म़नाचिआ ऩसिन्‍तुन।”

लुका 12:56

कोङ्‌क़त्‌वाचि ओ! खानानिन नाम्‍छ़ऱदुओ अ़कात्‍मा खोन्‍कि हेन्‍खामा त़खाम्‌कि झारा य़ङ्‌चि तुप्‍मा त़ऱम्‍च़म, मेन ओन्‍ग़रि म़लियाङ्‌ओ ओ य़ङ्‌चि देकि खानानिन खालुमा त़लेसिमिन्‌येन?

लुका 5:1

अ़क्‌लेन येसु गनेसरेत्‌निओ धियाङ्‌वामाओ अ़च़क्‌दा म़एवाङाहिदा ब़द्‍धे म़नाचि निनाम्‍हाङ्‌ओ अ़चुय़ङ एन्‍सि छ़न्‍काछुछुरुप लियाङ्‌सा म़ता।

लुका 5:15

खोन्‍नुछाङ येसुओ अ़तुक्‌वादाओ य़ङ्‌चि बुयादाङ्‌का च़लोक म़ऱङाखारा, खोन्‍कि ब़द्‍धे म़ना मुक्‍लाचि खोक्‍कोसोओ अ़चुताया एन्‍सि खोन्‍कि अ़चुसारिमाचिदाङ्‌का नुसि म़कोवान्‍चिन।

लुका 6:17

येसु अ़चुकाखेङ्‌पाचिएनान भ़ऱदुङ्‌का म़धाकि अ़क्‌तात अ़तेम्‍मादा म़एवा। मोदा ब़द्‍धे काखेङ्‌चि म़याआङा। यहुदिया खोन्‍कि यरुसलेम्‌ओ झारा दात्‍निदाङ्‌का खोन्‍कि धियाङ्‌वामाओ अ़केम्‌दा छुक्‍ताङाचिओ तुरोस खोन्‍कि सिदोन धिखाहुप्‌दाङ्‌का म़ताओ ब़द्‍धे म़नाचि म़याआङा।

छाम्‍माय़ङ 21:20

मोचिआ ओ य़ङ अ़एनाकि निनाम्‍हाङ्‌ओ अ़चुऩङ झारासा अ़लोङ्‌सा। खोन्‍किना खोचिआ पावल अ़लोवा, “एनाखानुम पावल निछा, ओदाछाङ अ़हजारा-हजारा यहुदिचिआ हाङ्‌पा साकोङ्‌छ़ङ अ़मुवाकि निनाम्‍हाङ्‌य़ङ खाकालु मोसाओ अ़य़ङ्‌हुप्‌वा च़मादा अ़चुमिन्‍मा अ़पाक।

१ कोरिन्‍थि 15:3

देकिनालो साम्‌योक छाप्‍लावावात्‍नि ख्रिस्‍त आन्‍हेवाचिओ निम्‍पाङ म़सुवानिओ नुय़ङ्‌खान अ़ङ्‌का तोक्‍तुङ, मो अ़ङ्‌का झारादाङ्‌का तोक्‍पो अ़च़वाङ्‌वा खानानिन प़नानिन।

हिब्रु 12:22

मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।