लुका 11:9 - बान्‍तावा राई

⁹ अ़ङ्‌का खानानिन लोनानिन, दोरानुम खोन्‍किना खानानिन्‌आ त़तोक्‍तुम, लामानुम खोन्‍कि खानानिन्‌आ त़धिरुम, मोआनुम खोन्‍कि आम्‍नुओ निम्‍पाङ होत।

लुका 11:9 ပူးပေါင်းရင်းမြစ်များ

मत्‍ति 21:22

साकोङ्‌छ़ङ त़मुन्‍कि खानानिन यात़मारिन खोन्‍कि दि त़दोरुम मो खानानिन त़तोक्‍तुम।”

मत्‍ति 21:31

हान ओ ह़वाङ्‌एदाओ खाक्‍कोसाआ अ़चुपापाओ अ़मिन्‍मावा चुवा?” बुसुवाचिआ अ़लासालोवा, “कुम्‍पाआ।” येसुआ मोचि म़लोचि, “अ़नुछ्‍या, अ़ङ्‌का खानानिन लोनानिन, दाम्‍दु कालात्‌चि खोन्‍कि काचान्‍चाचि खानानिन्‌दाङ्‌का बुया निनाम्‍हाङ्‌ओ अ़चुहाङ्‌होन्‌दु म़वाङ।

मत्‍ति 6:29

मेन अ़ङ्‌का खानानिन लोनानिन, हाङ सोलोमन झारा अ़साम्‌दा मो बुङ्‌वाचिदाओ अ़क्‌तात ओन्‍तेकाछाङ खान्‍नुलो मान्‍चोङ्‌दान्‍चिन।

मर्कुस 11:24

खोन्‌ओसा अ़ङ्‌का खानानिन लोनानिन खानानिन यात़मारिन खोन्‍कि दि त़दोरुम, मो तोक्‍तुङ्‌चिउङ निकिना साकोङ्‌छ़ङ मुवानिन, खोन्‍कि मो आम्‍नुओ निम्‍पाङ लिलाप।

मर्कुस 13:37

अ़ङ्‌का खानानिन दे लोनानिन, अ़ङ्‌का झाराकापाङ लोनानिन, चाप्‍चाप्‍चाप्‌वा युङानिन!”

लुका 11:10

देकिनालो साङ्‌आ दोरु, मोसाआ तोक्‍तु, खोन्‍कि साङ्‌आ लामु, मोसाआ धिरु, साङ्‌आ मोउ, खोन्‍कि मोसोओ निम्‍पाङ लाप्‍तिखोप होत।

युहन्‍ना 14:13

खानानिन्‌आ अ़ङ्‌ऩङ्‌दा दि त़दोरुम्‌नुछाङ अ़चुछालाम्‍पा अ़चुपाओ अ़चुऩङ लोङ्‌ने निम्‍पाङ अ़ङ्‌का मो मुङ।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 15:7

खानानिन अ़ङ्‌काएदा त़याइन्‌कि अ़ङ्‌य़ङ खानानिन्‌एदा याक्‌नालो खानानिन दे त़मिनिन, मो दोरानुम, खोन्‍कि मो आम्‍नुओ निम्‍पाङ मु।

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

२ कोरिन्‍थि 6:2

देकिनालो खोक्‍को म़य़ङ्‌याङ, “तोङाङाओ ग़रिदा अ़ङ्‌का आम्‍बुत्‍माय़ङ एनुङ, खोन्‍कि लेन्‍माओ लेन्‌दा अ़ङ्‌का खाना फाना।” खाखो, तोङ्‌ओ ग़रि ओन्‍ग़रिङा ओ, लेन्‍माओ लेन ओन्‍ग़रिङा ओ।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

हिब्रु 4:16

खोन्‌ओसा आन्‍कान राक्‌एनान सोम्‍तुक्‍माओ हाङ्‌युङ्‌खादा खारिन्‍ने। मोदा निनाम्‍हाङ्‌आ सोम्‍तुक्‍मा दोत्‌ओ ग़रिदा आन्‍कान फामा तोक्‍तुम।

याकुब 1:5

खानानिन्‌एदा साङ खारु अ़तोक्‍निनिन्‌नालो निनाम्‍हाङ्‌एदा दोत्‍ने, खोन्‍कि खोक्‍कोसाआ तोक्‍पो मिन्‍माआ यामान्‍सान्‍माङ मो अ़प़।

याकुब 5:15

खोन्‍कि साकोङ्‌छ़ङ्‌ओ यामात्‍माआ कातुक नु, खोन्‍कि हाङ्‌पाआ खो अ़नु। खोन्‍कि खोसाआ हेवाङा मुओनुछाङ खो लेत्‍प़।

१ युहन्‍ना 3:22

खोन्‍कि आन्‍कान दि दोत्‍तुम, खोक्‍कोएदाङ्‌का तोक्‍तुम, देकिनालो आन्‍कान खोक्‍कोसोओ अ़चुलोमाय़ङ्‌चि काङ्‌सिन, खोन्‍कि खोक्‍कोसोओ अ़चुऩङानुलो काचि मुन।

खाङ्‌मुमा 2:24

मेन खानानिन थिआतिरादाओ ओ अ़अ़त्‍पा चिन्‍माय़ङ मान्‍त़ङ्‌कादाचि खोन्‍कि ‘सैतानाओ अ़च़वाङ य़ङ्‌चि’नि लोमाय़ङ मान्‍चिन्‍कादान्‍चिन्‌चि खानानिन अ़ङ्‌का लोनानिन, खानानिन अ़ङ्‌का नि खाक्‍कोछाङ लोमाय़ङ अ़प़नानिमिन,