लुका 11:49 - बान्‍तावा राई

⁴⁹ खोवात्‍निओसा निनाम्‍हाङ्‌ओ अ़चुखारुआ म़लोयाङ, ‘अ़ङ्‌का मोचिएदा निनाम्‍हाङ्‌य़ङ खाकालुचि खोन्‍कि छाम्‍माय़ङ्‌चि छुत्‍तुङ्‌च़ङ। मोचिदाङ्‌का खा-खाक्‍कोचि म़सेरुचि खोन्‍कि खा-खाक्‍कोचि दुखा म़प़चि।’

लुका 11:49 ပူးပေါင်းရင်းမြစ်များ

मत्‍ति 22:6

निचिआ खोसोओ अ़हारुक्‌चि म़लाउचिकि मोचि अ़त्‍लो म़मुचि खोन्‍कि मोचि म़सेरुचि।

लुका 11:48

ओवात्‍नि खानानिन आम्‍नुओ सुन्‍तुम्‌चिओ अ़चुकाचिदा सालुम्‍स़ङ त़युङिन्‌येन खोन्‍कि मोचिएनान त़काङ्‌सिन। देकिनालो मोचिआ बुयाओ निनाम्‍हाङ्‌य़ङ खाकालुचि म़सेरुचि, खोन्‍कि खानानिन मोचिओ अ़चुएप्‍माचि आम्‍नुओ ऩङानुयाङ्‌सा त़चोङ्‌सुम्‍च़म।

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 11:27

मोन्‍ग़रि खा-खाक्‍को निनाम्‍हाङ्‌य़ङ खाकालुचि यरुसलेम्‌दाङ्‌का एन्‍तिओखियायु म़धा।

छाम्‍माय़ङ 22:20

खोन्‍कि आम्‍नुओ सालुम्‍स़ङ काप़ स्‍तिफनस लुङ्‌ताक्‌आ अ़वेरासेराकि अ़ह़ सोलाङाहिदा अ़ङ्‌काछाङ काङ्‌साङ्‌कि मोदाङा एवाङ्‌याङ। खोन्‍कि अ़ङ्‌का खो कासेत्‍चिओ अ़चुतित्‌चि हुङुङ्‌योङ्‌च़ङ।’

छाम्‍माय़ङ 7:57

खोन्‍किना धियायोक्‍खादाओ म़नाचि अ़चुनाबाक अ़धेक्‍ता खोन्‍कि च़लोक म़पारालोन्‍ताकि अ़क्‍धुवा स्‍तिफनस अ़झोम्‍ता।

छाम्‍माय़ङ 8:3

मेन सावल्‌आ साम्‍भुङ्‌चि लुक्‍मा लाप्‍तुङुचि। खोसाआ खिम-खिम्‌दा खात्‌याङ्‌सा दुवाछाचि खोन्‍कि मेत्‍छामाचि सात्‍खात्‌याङ्‌सा छेक्‍खाखिम्‌दा छेक्‍तुङुचि।

१ कोरिन्‍थि 1:24

मेन निनाम्‍हाङ्‌आ म़बुत्‍तुचिओ यहुदिचि खोन्‍कि ग्रिक्‌चिओ निकिना ख्रिस्‍तङा निनाम्‍हाङ्‌ओ अ़चुसावा खोन्‍कि निनाम्‍हाङ्‌ओ अ़चुखारु म़युङ्‌याङ।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

कलस्‍सि 2:3

निनाम्‍हाङ्‌ओ झारा अ़चुखारु खोन्‍कि अ़चुताया ख्रिस्‍तएदा कोआयुङ्‌सा।

खाङ्‌मुमा 16:6

देकिनालो मोचिआ आम्‍नुओ म़नाचिओ खोन्‍कि आम्‍नुओ खाकालुचिओ अ़चुह़ अ़सोलायुङ्‌सा। खानानिन्‌आ मोचि ह़ दुङ्‌मा त़प़म्‌युङ्‌सुम्‍च़म। मोचिआ तोक्‍मा खान्‍तुचिओ अ़तोक्‍ता।”

खाङ्‌मुमा 18:20

खोन्‍किना निनाम्‍मादुङ्‌का अ़क्‌तात य़ङ ता, “निनाम्‍मादु कायुङ्‌चिओ, आम्‍नुओ ऩङानुसानिन्‍चिन! निनाम्‍हाङ काब़क्‌चि, छाम्‍माय़ङ म़नाचि खोन्‍कि निनाम्‍हाङ्‌य़ङ खाकालुचि ओ, ऩङानुसानिन्‍चिन! मोसाआ खानानिन्‌एदा मुओ अ़त्‍लोओ निनाम्‍हाङ्‌आ छ़ङ्‌अ़छेन्‍तायुङ्‌सा।”