लुका 11:4 - बान्‍तावा राई

⁴ आन्‍काओ हेवाचि लेत्‍निप़नि देत्‍नि आन्‍कान्‍काछाङ आन्‍काओ देङ्‌सालाप्‍पादा अ़त्‍लो कामुचि झाराकापाङ लेत्‍तुम्‍च़म्‍का। खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि।’”

लुका 11:4 ပူးပေါင်းရင်းမြစ်များ

मत्‍ति 18:35

खानानिन आम्‍नुओ द़क्‍छा आम्‍नुओ साकोङ्‌वाहुत्‌दाङ्‌का त़लेत्‍तिमिन्‌नालो अ़ङ्‌पापा निनाम्‍हाङ्‌आछाङ खानानिन झारा मोत्‍निङा ऩमुन।”

मत्‍ति 26:41

चाप्‍चाप्‍चाप्‌वा युङानिन्‌कि यामारानिन, खोन्‌ओसा चिन्‍माखाङ्‌मादा मान्‍छुक्‍दानिन। आम्‍नुलावा अ़नुछ्‍या छेयाङ, मेन आम्‍नुओ पोक अ़ऱनिनिन।”

लुका 11:5

खोन्‍कि येसुआ मोचि म़लोचि, “मिनानिन, खानानिन्‌दाङ्‌का खाक्‍कोसोओ अ़क्‍छा अ़यावा युङ्‌याङ। मो अ़दाक्‌वा खाखुत अ़यावाएदा खात्‌कि य़ङ, ‘यावा, अ़ङ्‌का सुम्‌कातात पेम्‍पाक लोक्‍खा पुवाङ।

लुका 13:4

माङ्‌नालो खानानिन देत्‍नि त़मिनिन? सिलोआम्‌दाओ तुङ तियाकि अथारकापाङ म़सुवा। दि मोचि झारा यरुसलेम्‌दा कायुङ्‌चिदाङ्‌का च़लोक हेवामिचि ओ कि?

लुका 22:46

खोक्‍कोसाआ अ़चुकाखेङ्‌पाचि म़लोचि, “खानानिन देकिना त़इम्‍सिन्‍दान्‌येन्‌ओ? पुवालोन्‍तानिन्‌कि यामारानिन खोन्‍कि तामा मुयाङ्‌ओ मिन्‍मा सात्‍मादाङ्‌का खानानिन त़छोसिन्‍ने।”

लुका 8:13

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

युहन्‍ना 17:15

खानानिन्‌आ मोचि हेन्‍खामादाङ्‌का खात्‍तानुम्‍च़म निकिना अ़ङ्‌का याअ़मात्‍ऩङ, मेन मोचि अ़त्‍सावादाङ्‌का रात्‍तानुम्‍च़म।

१ कोरिन्‍थि 10:13

म़नाएदा ताओ चिन्‍माखाङ्‌मादाङ्‌का खानानिन नि चिन्‍माखाङ्‌मादा मान्‍छुक्‍त़युक्‍तिन। निनाम्‍हाङ सोम्‍कुवा मुमा खान्‍तुओ म़मुयाङ खोन्‍कि आङ्‌मा त़ऱम्‌ओदाङ्‌का च़लोक चिन्‍माखाङ्‌मादा छुक्‍मा ऩप़न्‍मिन, मेन चिन्‍माखाङ्‌माएनान फुङ्‌खा लाम्‌छाङ ऩमेत्‍तिन्‍प़न खोन्‍कि मोवात्‍नि खानानिन मो आङ्‌मा त़ऱम।

कलस्‍सि 3:13

अ़क्‍छा निएदा आङ्‌मुवानिन, म़नाचिओ अ़चुदेङ्‌सालाप्‍पादा दिदि दुम पाक्‍माय़ङ याक्‌याङ्‌नालो अ़क्‍छा निएदा लेत्‍कालेत मुवानिन। देत्‍नि हाङ्‌पाआ खानानिन ऩलेत्‍तिन्‌युङ्‌सिन, मोवात्‍नि खानानिन्‌आछाङ लेत्‍माचिदोत।

२ थेसलोनिकि 3:3

मेन निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसाआ लावामि सावा ऩप़न, खोन्‍कि अ़अ़त्‍पादाङ्‌का ऩरात्‍तिन।

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

याकुब 2:13

देकिनालो साङ्‌आ सोमातुक्‍मा खाङ्‌मान्‍मुयुक्‍तु, निनाम्‍हाङ्‌आ खो छ़ङ्‌अ़छेन्‌हिदा सोमा ऩतुक्‍तुन। मेन सोमातुक्‍मा छ़ङ्‌छेन्‍माएदा छो।

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।