लुका 11:15 - बान्‍तावा राई

¹⁵ मेन मोचिदाङ्‌का खा-खाक्‍कोचि म़य़ङा, “चाकावालावाचिओ अ़चुहाङ बालजिबुल्‌ओ अ़सावालाम्‍पा खोक्‍कोसाआ चाकावालावाचि लोइसुङुचि।”

लुका 11:15 ပူးပေါင်းရင်းမြစ်များ

मत्‍ति 10:25

काखेङ अ़काचिन्‍पावात्‍नि खोन्‍कि हारुक अ़हाङ्‌पावात्‍नि लिमादा अ़सोम्‍स़ने। मेन मोचिआ अ़ङ्‌का खिम्‍हाङ्‌पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्‌खिम्‍लुम्‍पाचि देम च़लोक अ़त्‍लो म़लोचि!

मत्‍ति 12:22

खोन्‍किना म़नाचिआ खोक्‍कोएदा चाकावालावाआ लाउओ अ़क्‍छा दोप्‍म़क अ़तारा। मो म़ना क़वा मुवाङा। येसुआ मो अ़नुसा। मो क़वा म़ना चेवा खोन्‍कि खाकाखाङ लिसा।

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

मत्‍ति 9:34

मेन फरिसिचि म़य़ङा, “चाकावालावाचिओ अ़चुहाङ्‌पालाम्‍पा खोसाआ चाकावालावाचि लोइसुङुचि।”

युहन्‍ना 10:20

मोचिएदाओ ब़द्‍धेकापाङ म़य़ङाङा, “ओ चाकावालावाआ लाउयुङ्‌सु, खोन्‍कि ओ हिम्‍सावा ओ। देकि खानानिन ओसोओ अ़य़ङ त़एनुम्‌योम?”

युहन्‍ना 7:20

म़ना मुक्‍लाचिआ अ़लासालोवा, “खाना चाकावालावाआ त़लावायुङ्‌सा। साङ्‌आ खाना सेत्‍मा त़लाप्‌याङ?”

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

युहन्‍ना 8:52

यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’