लुका 10:5 - बान्‍तावा राई

⁵ खाक्‍को खिम्‌दा त़वाङिन, बुया ‘ओ खिम्‌दा निनाम्‍हाङ्‌ओ अ़चुसेवाङ्‌नि युङ्‌ने’नि लोवानुम्‍च़म।

लुका 10:5 ပူးပေါင်းရင်းမြစ်များ

लुका 10:4

ना फेक्‌वा खुन्‍खा दोन्‍दि, ना बेखा, ना नि फेङ्‌ता खुयानिन, खोन्‍कि लाम्‌दा साङ्‌चिछाङ सेवा मान्‍नेत्‌दानुम्‍च़म।

लुका 10:6

खोचि आम्‍नुओ आसिखा लोक्‍मा खान्‍तुचिओ म़नाचि म़मुयाङ्‌नालो निनाम्‍हाङ्‌आ खोचि अ़नुछ्‍याङा नुलोक म़मुचि, मेन खोचि आम्‍नुओ आसिखा लोक्‍मा अ़खान्‍तुन्‍चिन्‌ओ म़नाचि म़मुयाङ्‌नालो मो सेवाङ्‌नि खानानिन्‌एदा लाताने।

लुका 19:9

खोन्‍कि येसुआ मो अ़लोवा, “अब्राहाम साकोङ्‌छ़ङ मुवाओवात्‍निङा ओ म़नाआछाङ साकोङ्‌छ़ङ मुवाओसा आय़ ओ खिम्‌दा लेन्‍मा तायुङ्‌सा।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

एफिसि 2:17

खोक्‍को म़ताकि खानानिन खाक्‍को अ़थाया त़लिसिन्‌ओचि सेवाङ्‌निओ नुय़ङ्‌खान खोन्‍कि अ़चुच़क्‌दाओचि सेवाङ्‌नि खाऩएत्‍तिन।