लुका 10:27 - बान्‍तावा राई

²⁷ मोसाआ य़ङ्‌लासु, “हाङ्‌पा आम्‍निनाम्‍हाङ झारा आम्‍साकोङ्‌वाआ, झारा आम्‍ह़ङ्‌म़ङ्‌आ, झारा आम्‍सावाआ खोन्‍कि झारा आम्‍मिन्‍माआ सोमातुक्‍तु, खोन्‍कि खाना आम्‍तेन्‍पाङ आप्‍पिवात्‍निङा सोमातुक्‍तु।”

लुका 10:27 ပူးပေါင်းရင်းမြစ်များ

मत्‍ति 19:19

आम्‍मामा खोन्‍कि आम्‍पापाचि साया मेत्‍तुचि, खोन्‍कि खाना आम्‍तेन्‍पाङ आप्‍पिवाङा सोमातुक्‍तु।”

लुका 10:26

येसुआ मो अ़लोवा, “मोसाओ अ़य़ङ्‌हुप्‌दा दि छाप्‍तायुङ्‌सा? खाना दि त़खिप्‍तु?”

रोमि 13:9

देकिनालो य़ङ्‌हुप य़ङ्‌याङ, “खाना ताङ्‌लान मान्‍मुदा, खाना म़ना मान्‍सेत्‌दा, खाना मान्‍ख़दा, खाना च़क्‍ख़य़ मान्‍मुदा।” ओ लोमाय़ङ्‌चिदा खोन्‍कि नि ब़द्‍धे लोमाय़ङ्‌चि म़याक्‌याङ, मो झारासोओ अ़चुमुलोय़ङ्‌चि ओदाङा थुत्‍मेत्‍लोदा म़याक्‌याङ, “खाना आम्‍तेन्‍पाङ आप्‍पिवाङा सोमातुक्‍तु।”

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

हिब्रु 8:10

हाङ्‌पा निनाम्‍हाङ म़य़ङ्‌याङ, मो लेन अ़ङ्‌का इस्राएल्‌दाओ म़नाचिएनान ओ य़ङ्‌छ़ङ मुङ, मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌म़नाचि म़लि।

याकुब 2:8

“खाना आम्‍तेन्‍पाङ आप्‍पिवाङा सोमातुक्‍तु”निओ साम्‍कालिन्‌दाओ आन्‍काओ हाङ्‌ओ अ़चुय़ङ्‌हुप अ़नुछ्‍याङा त़तासुम्‍लाम्‌योम्‌नालो खानानिन नुलोक्‌ङा त़च़न्‌येन।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।