लुका 1:49 - बान्‍तावा राई

⁴⁹ सावाआ भेप्‍तुओ निनाम्‍हाङ्‌आ अ़ङ्‌को निकि अ़धिवाङ काचि ऩमेत्‍ताङ्‌पुवाङ्‌युङ्‌साङ। निनाम्‍हाङ्‌ओ अ़चुऩङ सेङ्‌लो मुयाङ।

लुका 1:49 ပူးပေါင်းရင်းမြစ်များ

मर्कुस 5:13

खोन्‍किना येसुआ मोचि खात्‍मा म़प़चि। खोन्‍किना चाकावालावाचि म़लोन्‍ताकि भाक्‌चिहुत्‌दा म़वाङा। खोन्‍कि ह्‍वा हजारालेका भाक्‌ओ अ़लोकाचि ह्‍वाल़ङ्‌मादाङ्‌का धियाङ्‌वामा ह्‍युत्‍नि ह़क्‍ह़क्‍ह़क्‌वा म़लोराधाकि मोचि धियाङ्‌वामादा वाम़लुम्‍तासुवा।

लुका 1:48

देकिनालो खोक्‍कोसाआ अ़ङ्‌कावाको अ़चुप्‍पाङ हारुक्‍माछाङ ऩमित्‍ताङ्‌युङ्‌साङ। खा, हान्‌दाङ्‌का ओह्‍यात्‍नि झारा भुङ्‌ओ म़नाचिआ अ़ङ्‌का आलाङ्‌मिनि ऩलोङा।

लुका 1:50

खोन्‍कि खोक्‍को साया कामेत्‍चिएदा खोक्‍कोसाआ दुङ-दुङ्‌तारि सोमाम़तुक्‍तुचि।

एफिसि 3:20

हान खोक्‍कोसोओ निम्‍पाङ आन्‍कान्‌एदा काचि मुमा खोक्‍कोसोओ अ़चुसावाओ काचिवा आन्‍कान दोरुम्‌ओ माङ्‌लो मित्‍तुम्‌ओदाङ्‌का अ़न्‍नुनु च़लोक मुमा अ़ऱ।

खाङ्‌मुमा 15:4

हाङ्‌पा निनाम्‍हाङ साङ्‌आ खानानिन ऩकित्‍तिमिन कि? आम्‍नुओ ऩङ साङ्‌आ अ़लोङ्‌सुन कि? खानानिन ओन्‍ङा त़सेङिन्‌येन। झारा रावाचि आम्‍नुओ बुदा म़ता खोन्‍कि खानानिन ऩब़क्‍तिन। देकिनालो झारा म़नाचिआ खानानिन्‌आ त़मुम्‍च़म्‌ओ अ़छ़ङ य़ङ्‌चि अ़खायुङ्‌सा।”

खाङ्‌मुमा 4:8

मो चारकातात्‍माङ अ़ह़ङ साक्‍स़ङ्‌चिओ छ-छकातात अ़चुलाप याआङा, खोन्‍कि मो लाप्‌चिओ अ़कोङ खोन्‍कि अ़दुङ्‌लिप्‍पा म़क्‌चिआ म़भेप्‍तायुङ्‌सा। अ़खोलेन अ़खाखुत मोचि मान्‌एम्‍माङ ओवात्‍नि य़ङ्‌सा छाम म़लुवायुङ्‌साङा, “सेङ्‌याङ्‌ओ, सेङ्‌याङ्‌ओ, सेङ्‌याङ्‌ओ, हाङ्‌पा निनाम्‍हाङ झारा सावाकातोक खोक्‍को म़युङाङा खोन्‍कि म़युङ्‌याङ खोन्‍कि खोक्‍को म़ता!”