युहन्‍ना 9:27 - बान्‍तावा राई

²⁷ खोसाआ मोचि लासुलोचि, “अ़ङ्‌का खानानिन आत्‍थुङा लोनाचिन्‍नानिन, मेन खानानिन्‌आ मान्‌एन्‍त़दोम। हान देकि खानानिन लामाएन्‍मा त़स़न्‌येन? खानानिन्‌छाङ खोक्‍कोसोओ अ़चुकाखेङ्‌पा लिमा त़लामिन्‌येन हे देत्‍नि?”

युहन्‍ना 9:27 ပူးပေါင်းရင်းမြစ်များ

लुका 22:67

खोन्‍कि मोचिआ अ़लोवा, “खाना ख्रिस्‍त ओ? आन्‍कान्‍का लोनि।” येसुआ मोचि म़लासुलोचि, “अ़ङ्‌का खानानिन खाएत्‍नानिन्‌नुछाङ अ़नुछ्‍यानि त़मिनिमिन।

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

युहन्‍ना 9:26

खोन्‍कि खोचिआ मो अ़सेना, “खोक्‍कोसाआ खाना दे त़मुवा? खोक्‍कोसाआ आम्‍म़क देत्‍नि खाकाखाङ त़मेत्‍तापुवा?”