युहन्‍ना 9:24 - बान्‍तावा राई

²⁴ खोन्‍किना मोचिआ मो दोप्‍म़क म़ना ह्‍वादुओदु अ़बुत्‍ताकि अ़सेना, “निनाम्‍हाङ्‌ओ अ़चुऩङ्‌दा अ़छ़ङ य़ङ य़ङा। आन्‍कान्‍का सिन्‍तुम्‌योम्‍का मो म़ना हेवामि ओ।”

युहन्‍ना 9:24 ပူးပေါင်းရင်းမြစ်များ

मर्कुस 15:27

मोचिआ ह़वाङ काख़पाचिछाङ येसुएनान क्रुस्‌दा म़ख़न्‍तुचि। अ़क्‍छा खोक्‍कोसोओ अ़चुचुप्‍ताङ्‌लिप्‍पा खोन्‍कि अ़क्‍छा अ़चुबेङ्‌साङ्‌लिप्‍पा।

लुका 15:2

मेन फरिसिचि खोन्‍कि य़ङ्‌हुप काचिन्‍पाचि छुऩङ्‌वा म़मुवा, “ओ म़नाआ ना हेवामिचि लोउचि खोन्‍कि मोचिएनान चा दुङ।”

लुका 19:7

म़नाचिआ ओ अ़खाकि झारा छुऩङ्‌वा मुमा अ़पुङ्‌सा, “येसु ना हेवामिओ अ़खिम्‌दा तावाङ लिसि म़खारायुङ्‌सा।”

लुका 7:39

ओ खाकि येसु काबुत फरिसि अ़मिन्‍मादा आप्‍पि मिना, “ओ म़ना निनाम्‍हाङ्‌य़ङ खाकालु ओनालो ना खोक्‍को कानोप मेत्‍छामा दियाको हेवामिओ निकिना सिन्‍मादोराङाओ।”

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 18:30

मोचिआ खो अ़लासालोवा, “ओ मान्‍फिकादाओदे आन्‍कान्‍का ओक्‍को खानानिन्‌एदा मान्‍तात्‌दोम्‍काओ।”

युहन्‍ना 19:6

मोन्‍ग़रि मुलो काब़क्‍पाचि खोन्‍कि निनाम्‍हाङ ब़क्‍खाखिम काहुङ्‌चिआ खोक्‍को अ़खा, मोचि ओवात्‍नि य़ङ्‌सा पात्‍मा अ़पुक्‍ता, “मो क्रुस्‌दा ख़न्‍तासेरानुम! मो क्रुस्‌दा ख़न्‍तासेरानुम!” पिलातस्‌आ मोचि लोचि, “खानानिन आप्‍पिआङा ओक्‍को खात्‍तानुम खोन्‍कि मो क्रुस्‌दा ख़न्‍तासेरानुम! देकिनालो अ़ङ्‌का ओक्‍कोसोओ अ़देङ्‌सालाप्‍पादा दित्‍छाङ लाहि पाक्‍मायु अ़तुक्‌वा अ़धित्‍ऩङ!”

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 8:46

खानानिन्‌एदाओ साङ्‌आ अ़ङ्‌का हेवाओ लाहिपाक्‍मा अ़ऱङा कि? अ़ङ्‌का अ़छ़ङ चेप्‍ङाङानुछाङ देकि खानानिन्‌आ अ़ङ्‌का साकोङ्‌छ़ङ त़मुऩङ्‌ऩम़ङ?

युहन्‍ना 8:49

येसुआ म़लासुलोचि, “अ़ङ्‌का चाकावालावाआ मान्‍लाप्‌अ़युक्‍ङा। अ़ङ्‌का अ़ङ्‌पापा साया मेत्‍तुङ, मेन खानानिन्‌आ अ़ङ्‌साया त़पेप्‍ङाङाऩङ।

युहन्‍ना 9:16

फरिसिचिएदाओ खा-खाक्‍कोचि म़य़ङा, “मो म़ना निनाम्‍हाङ्‌लाम्‍पा ताओ माआङ, देकिनालो मोसाआ सावातोम्‍खा-लेन अ़योङुन्‌योन।” मेन निचि म़य़ङा, “देत्‍नि हेवामि म़नाआ ओवाको म़दोम्‍दाओ बुन्‌चि मुमा ऱचि?” खोन्‍कि मोचिओ अ़चुरादा म़फेआन्‍चिन।

युहन्‍ना 9:25

खोसाआ लासुलोचि, “खोक्‍को हेवामिओ हे माआङ अ़ङ्‌का अ़सिन्‍ऩङ। अ़क्‌तात य़ङ ओन्‍ङा अ़ङ्‌का सिन्‍तुङ्‌योङ, अ़ङ्‌का दोप्‍म़क मुवाङ्‌याङ्‍ओ, मेन हान खा-खाङ्‌ङाङा।”

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

खाङ्‌मुमा 11:13

मोन्‍ग़रिङा अ़धिवाङ लुत्‍लि खारा, खोन्‍कि सहराओ दस्‌कालोक्‌ओ अ़क लोक लुक्‍ता, खोन्‍कि लुत्‍लिदा सात्‌हजारा म़नाचि म़सुवा। म़हेनाओ म़नाचिओ अ़चुक़माकाराकि निनाम्‍मादुओ निनाम्‍हाङ अ़लोङ्‌सा।