युहन्‍ना 9:22 - बान्‍तावा राई

²² मोसोओ अ़मा-अ़पाचि ओवात्‍नि य़ङाचि, देकिनालो खोचि यहुदि बुसुवाचिदाङ्‌का क़साङाचि। देकिनालो साङ्‌आ येसुङा ख्रिस्‍त ओ निकिना लोउनालो मो यावायोक्‍खिम्‌दाङ्‌का लोन्‍माखान्‍मादोत निकिना यहुदिचि बुयाङा याम़योआयुङ्‌सा।

युहन्‍ना 9:22 ပူးပေါင်းရင်းမြစ်များ

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

युहन्‍ना 1:19

यरुसलेम्‌दाङ्‌का यहुदि बुसुवाचिआ काब़क्‍पाचि खोन्‍कि लेबिचि खोएदा “खाना साङ ओ?”निओ य़ङ सेइसि म़नाचि म़छुत्‍तुचि, खोन्‍कि युहन्‍नाआ नुलोक अ़साम्‍लुम्‍स़ङ प़चि।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 19:38

मोन्‍किना अरिमाथियादाओ योसेफ, खो यहुदि बुसुवाचिओ क़माआ सुकुलादा ओन्‍ङा येसुओ अ़चुकाखेङ्‌पा लिसायुङ्‌सा। मोसाआ पिलातस्‌एदा येसुओ अ़चुस़पोक खात्‍मा तोक्‍तुङ्‌ने निकिना दोत्‍तु। पिलातस्‌आ खात्‍मा प़। खोन्‍कि खो ताकि खोक्‍कोसोओ अ़चुस़पोक लारु खात्‍तु।

युहन्‍ना 20:19

मो लेन माङ्‌लो साताओ बुयाओ लेन्‌ओ अ़नाम्‍प़क, मोदा यहुदिचिओ अ़चुक़माआ काखेङ्‌पाचि लाप्‍तिखोप्‌चि म़खोप्‍तुचिकि खिम्‍हुत्‌या म़युङाङा, येसु म़ताकि मोचिओ अ़चुरादा म़एवाकि मोचि म़लोचि, “खानानिन सेवाङ्‌नि लिसानिन!”

युहन्‍ना 7:13

मेन यहुदि बुसुवाचिओ अ़चुक़माआ खोक्‍कोसोओ अ़चुतुक्‌वादा साङ्‌छाङ झारासोओ अ़चुबुदा मान्‍चेप्‌चि।

युहन्‍ना 9:18

खाकाखाङ लिसाओसोओ अ़मा-अ़पाचि म़बुत्‍तुचिकि मान्‍सेन्‍माङ्‌तारि यहुदि बुसुवाचिआ मो दोप्‍म़क मुवाङाओ खोन्‍कि खा-खाङ्‌मा रुवाओ निकिना साकोङ्‌छ़ङ मान्‍मुचि।

युहन्‍ना 9:21

मेन देत्‍नि ओन्‍ग़रि ओ खा-खाङ्‌मा रुवा। ओसोओ अ़म़क साङ्‌आ खा-काखाङ मेत्‍तुप़, मोछाङ आन्‍काचिआ अ़सिन्‍चुन्‍का। खो अ़धिवा लिसायुङ्‌सा, खोङा सेनानुम। खोसोओ अ़तुक्‌वादा खो आप्‍पि चेप।”

युहन्‍ना 9:34

मोचिआ खो अ़लासालोवा, “खाना ना अ़नुछ्‍याङा हेवादा त़लिसाओ, खोन्‍कि दि खाना आन्‍कान्‍का चिन्‍मा त़लाप्‍निङ्‌नि ओ?” खोन्‍किना मोचिआ मो यावायोक्‍खिम्‌दाङ्‌का बुङ्‌खाया अ़लोइसाखाइसा।

युहन्‍ना 9:35

खोचिआ मो यावायोक्‍खिम्‌दाङ्‌का बुङ्‌खाया अ़लोइसाखाइसानिओ य़ङ येसुआ अ़एना, खोन्‍कि खो अ़धिराकि अ़लोवा, “दि खाना म़नाओ अ़छाएदा साकोङ्‌छ़ङ त़मु?”

छाम्‍माय़ङ 4:18

खोन्‍किना मो यहुदि बुसुवाचिआ पत्रुस खोन्‍कि युहन्‍ना लाबुत्‍म़मेत्‍तुचिकि “हान्‌दाङ्‌का येसुओ अ़ऩङ्‌दा देम्‍खाछाङ मान्‍चेप्‌दाचि माङ्‌लो मान्‍चिन्‍दाचुचिन!”नि मोचि म़लोचि।

छाम्‍माय़ङ 5:13

येसुएदा साकोङ्‌छ़ङ मान्‍मुकादाचि साङ्‌छाङ मोचिएदा होन्‍मान्‍चिन राक मान्‍मुचि, खोन्‍नुछाङ म़नाचिआ मो साकोङ्‌छ़ङ कामुचि च़लोक साया म़मेत्‍तुङुचि।

छाम्‍माय़ङ 5:40

मोचिआ छाम्‍माय़ङ्‌चि धियायोक्‍खाहुत्‌दा म़बुत्‍तुचिकि य़हुप पाक्‍म़मेत्‍तुचि, खोन्‍किना “येसुओ अ़तुक्‌वादा म़नाचि खामान्‌एत्‌दानुम्‍च़म!”नि म़लोचिकि मोचि म़लेरुखाइसुचि।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”