युहन्‍ना 9:16 - बान्‍तावा राई

¹⁶ फरिसिचिएदाओ खा-खाक्‍कोचि म़य़ङा, “मो म़ना निनाम्‍हाङ्‌लाम्‍पा ताओ माआङ, देकिनालो मोसाआ सावातोम्‍खा-लेन अ़योङुन्‌योन।” मेन निचि म़य़ङा, “देत्‍नि हेवामि म़नाआ ओवाको म़दोम्‍दाओ बुन्‌चि मुमा ऱचि?” खोन्‍कि मोचिओ अ़चुरादा म़फेआन्‍चिन।

युहन्‍ना 9:16 ပူးပေါင်းရင်းမြစ်များ

मत्‍ति 12:10

मोदा अ़क्‍छा अ़छुक छोवाखाराओ म़ना युङाङा। मोचिआ लाहि पाक्‍मा निकिना येसु अ़सेना, “दि सावातोम्‍खा-लेन्‌दा नुमा य़ङ्‌हुप्‌आ म़प़?”

मत्‍ति 12:2

मेन फरिसिचिआ ओ अ़खाकिना खोक्‍को अ़लोवा, “खानुम! आम्‍नुओ काखेङ्‌पाचिआ सावातोम्‍खा-लेन्‌दा दि य़ङ्‌हुप्‌आ मुमा म़प़निन, मो अ़मुयाङ।”

लुका 13:14

मेन येसुआ सावातोम्‍खा-लेन्‌दा मो मेत्‍छामा अ़नुसाओसा यावायोक्‍खिम्‌दाओ बुसुवाओ अ़माइसुङ कारा, खोन्‍कि खोसाआ मुक्‍लाचि लोचि, “काचि मुखा छकालेन म़याक्‌याङ। खोन्‌ओसा ओ छकालेन्‌दा तानिन्‌कि नुलुवानिन। सावातोम्‍खा-लेन्‌दा माआङ।”

युहन्‍ना 10:19

ओ य़ङ्‌चिओ अ़तुक्‌वाआ यहुदिचि म़लासाफेआन्‍चिन।

युहन्‍ना 14:11

अ़ङ्‌का साकोङ्‌छ़ङ मुवाङ्‌ऩङ, अ़ङ्‌का पापाएदा याक्‍ङाङा, खोन्‍कि पापा अ़ङ्‌काएदा म़याक्‌याङ। माङ्‌नालो अ़ङ्‌का मुङ्‌च़ङ्‍ओ म़दोम्‍दाओ बुन्‌चि खानुम्‍च़म्‌कि साकोङ्‌छ़ङ मुवाङ्‌ऩङ।

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 2:11

येसुआ ओ बुयाओदुओ बुन गालिल्‌ओ कानादा खाङ्‌अ़मुसाओ। ओवात्‍नि खोक्‍कोसाआ अ़चुसावा खाङ्‌अ़मुसा, खोन्‍कि खोक्‍कोसोओ अ़चुकाखेङ्‌पाचिआ खोक्‍कोएदा साकोङ्‌छ़ङ म़मुवा।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 5:10

खोन्‌ओसा नुसाओ मो म़ना यहुदि बुसुवाचिआ अ़लोवा, “आय़ सावातोम्‍खा-लेन ओ, खाना आम्‌इम्‍खा खुन्‍मा य़ङ्‌हुप्‌आ त़प़नान।”

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

युहन्‍ना 6:52

खोन्‍कि यहुदिचि आप्‍पिओ अ़चुरादा चाअ़त्‍लो दुम्‍छ़न्‍मा अ़पुक्‍ता, “ओ म़नाआ देत्‍नि आन्‍कान अ़चुपोक चामा प़मा म़ऱ?”

युहन्‍ना 7:12

म़ना मुक्‍लाचिआ खोक्‍कोसोओ अ़चुतुक्‌वादा दुम म़तुसा। खा-खाक्‍कोचि म़य़ङा, “खोक्‍को अ़नुवाक म़मुयाङ।” निचि म़य़ङा, “माआङ, खोसाआ म़नाचि थेम्‍सुखात्‍तुङुचि।”

युहन्‍ना 7:23

मोसाओ य़ङ्‌हुप अ़काक्‍निन्‍ने निम्‍पाङ खाक्‍को म़नाआ सावातोम्‍खा-लेन्‌दा सिप्‍मायाम्‍बुन पाक्‍तुनालो अ़ङ्‌का अ़क्‍छा म़ना सावातोम्‍खा-लेन्‌दा नुसुङ निकिना दि खानानिन अ़ङ्‌काएदा आम्‍नुओ माइसुङ कात्‌याङ?

युहन्‍ना 7:43

ओवात्‍नि म़नाचिओ अ़चुरादा येसुओ अ़चुचुतुक्‌वाआ म़फेआ।

युहन्‍ना 9:24

खोन्‍किना मोचिआ मो दोप्‍म़क म़ना ह्‍वादुओदु अ़बुत्‍ताकि अ़सेना, “निनाम्‍हाङ्‌ओ अ़चुऩङ्‌दा अ़छ़ङ य़ङ य़ङा। आन्‍कान्‍का सिन्‍तुम्‌योम्‍का मो म़ना हेवामि ओ।”

छाम्‍माय़ङ 14:4

मेन सहरादाओ म़नाचि ह्‍वा रुहुप्‌दा म़हासान्‍चिन। देम्‍पाङ यहुदिचिएह्‍यात्‍नि खोन्‍कि देम्‍पाङ छाम्‍माय़ङ्‌चिएदात्‍नि म़वाङा।