युहन्‍ना 8:59 - बान्‍तावा राई

⁵⁹ खोन्‍किना मोचिआ खोक्‍को वेन्‍मा निकिना लुङ म़कुआ, मेन येसु म़कुमाकि निनाम्‍हाङ ब़क्‍खाखिम्‌दाङ्‌का बुङ्‌खाह्‍यात्‍नि म़लोन्‍ताखारा।

युहन्‍ना 8:59 ပူးပေါင်းရင်းမြစ်များ

मत्‍ति 12:14

मेन फरिसिचि बुङ्‌खाया म़लोन्‍ता खोन्‍कि येसु देत्‍नि सेत्‍मा निकिना मोचिआ खोक्‍कोसोओ अ़चुदेङ्‌सालाप्‍पादा थालि म़बाङ्‌ता।

लुका 24:31

मोन्‍ग़रिए मोचिओ अ़चुम़क होआ, खोन्‍किना मोचिआ येसु अ़सिन्‍ताचु। मेन खोक्‍को खोचिएदाङ्‌का म़मासान्‍केसान्‍चिन।

युहन्‍ना 11:54

खोन्‌ओसा येसु यहुदिचिओ अ़चुरादा अ़चुताकावा मान्‍लाकोन्‌चि, मेन मोदाङ्‌का लेक्‍लेक्‍लेक्‌वाओसो अ़च़क्‌दाओ एफ्राइम्‌निओ सहरादा म़खारा खोन्‍कि मोदा खोक्‍को अ़चुकाखेङ्‌पाचिएनान म़युङा।

युहन्‍ना 11:8

अ़चुकाखेङ्‌पाचिआ खोक्‍को अ़लोवा, “रब्‍बि, आइमित्‍साऱङ यहुदिचिआ खानानिन लुङ्‍आ वेन्‍मासेत्‍मा ऩलाप्‍तिन ओ, खोन्‍कि दि खानानिन मोयाङा त़लासिन खारिन्‌येन ओ?”

युहन्‍ना 12:36

देम्‍खातारि साम खानानिन्‌एदा युङ, साम्‌दा साकोङ्‌छ़ङ मुवानिन, खोन्‍कि खानानिन साम खाङ्‌कामेत त़लिसिन।” ओ म़य़ङाचिआकि, येसु मोदाङ्‌का म़खारा, खोन्‍कि मोचिएदाङ्‌का म़कुमा।

युहन्‍ना 18:31

पिलातस्‌आ मोचि लोचि, “खानानिन ओक्‍को आप्‍पि खात्‍तानुम, खोन्‍कि आम्‍नुओ य़ङ्‌हुप्‌वा ओसोओ अ़छ़ङ छेन्‍तानुम।” मेन यहुदि बुसुवाचिआ खो अ़लोवा, “खाक्‍कोछाङ म़ना सेत्‍मा आन्‍कान्‍का आम्‍नुओ य़ङ्‌हुप्‌आ अ़प़न्‍मिन्‍का।”

युहन्‍ना 5:13

मेन नुवाओ मो म़नाआ खोक्‍को साङ्‍ओ निकिना मान्‍सिन्‌युक्‍तु। देकिनालो मोदा म़ना मुक्‍लाचि म़युङाङाओसा येसु मोदाङ्‌का म़खारालोन्‍ताचिआयुङ्‌सा।

युहन्‍ना 9:1

मोदाङ्‌का म़खाराङाहिदा येसुआ अ़क्‍छा म़ना लिसादाङ्‌काओ दोप्‍म़क अ़खा।

छाम्‍माय़ङ 7:57

खोन्‍किना धियायोक्‍खादाओ म़नाचि अ़चुनाबाक अ़धेक्‍ता खोन्‍कि च़लोक म़पारालोन्‍ताकि अ़क्‍धुवा स्‍तिफनस अ़झोम्‍ता।