युहन्‍ना 8:52 - बान्‍तावा राई

⁵² यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’

युहन्‍ना 8:52 ပူးပေါင်းရင်းမြစ်များ

मत्‍ति 11:18

ओ निओ, युहन्‍ना ना चायाङ्‌सा माङ्‌लो अङ्‌गुरा माङ्‌वा दुङ्‌याङ्‌सा ता, खोन्‍कि खो मोचिआ चाकावालावाआ लाउओ म़नानि अ़लोयाङ।

युहन्‍ना 1:19

यरुसलेम्‌दाङ्‌का यहुदि बुसुवाचिआ काब़क्‍पाचि खोन्‍कि लेबिचि खोएदा “खाना साङ ओ?”निओ य़ङ सेइसि म़नाचि म़छुत्‍तुचि, खोन्‍कि युहन्‍नाआ नुलोक अ़साम्‍लुम्‍स़ङ प़चि।

युहन्‍ना 14:23

येसुआ अ़लासालोवा, “साङ्‌आ अ़ङ्‌का सोमाअ़तुक्‍ङा, मोसाआ अ़ङ्‌चेम्‍मा य़ङ्‌चि मुचि, खोन्‍कि अ़ङ्‌पापाआ मो सोमाअ़तुक, खोन्‍कि आन्‍काचिआ मोएदा ताच्‍या, खोन्‍कि मोएदा याक्च्‍या।

युहन्‍ना 15:20

अ़ङ्‌का खानानिन लोनानिन्‌ओ य़ङ मित्‍तानुम, ‘हारुक अ़हाङ्‌पाएदाङ्‌का तोक्‍पो अ़लिनिन।’ मोचिआ अ़ङ्‌का दुखा ऩपुवाङ्‌नालो खानानिन्‌छाङ दुखा ऩप़न। मोचि अ़ङ्‌चिन्‍माय़ङ म़काङ्‌साओ दे आम्‍नुओ य़ङ्‌छाङ म़काङ।

युहन्‍ना 17:6

हेन्‍खामादाङ्‌का खाक्‍को म़नाचि अ़ङ्‌का त़प़नियुङ्‌नि, मोचि अ़ङ्‌का खानानिन खाङ्‌मेत्‍तुङ्‌युङ्‌सुङ्‌च़ङ। मोचि आम्‍नुओचि म़मुवाङा, खोन्‍किना खानानिन्‌आ मोचि अ़ङ्‌का त़प़नि, खोन्‍कि मोचि आम्‍नुओ य़ङ म़काङ्‌सायुङ्‌सा।

युहन्‍ना 7:20

म़ना मुक्‍लाचिआ अ़लासालोवा, “खाना चाकावालावाआ त़लावायुङ्‌सा। साङ्‌आ खाना सेत्‍मा त़लाप्‌याङ?”

युहन्‍ना 8:22

खोन्‍किना यहुदिचि म़य़ङा, “ओ ना आप्‍पि सेत्‍नान्‍चिन हे देत्‍नि? देकिनालो ओसाआ ‘खादा अ़ङ्‌का खात्‍ङाङा खानानिन तामा त़ऱन्‍मिन’नि य़ङ्‌याङ।”

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

युहन्‍ना 8:51

अ़नुछ्‍या अ़ङ्‌का खानानिन लोनानिन, साङ अ़ङ्‌य़ङ्‌वा च़नालो खो देम्‍खाछाङ अ़स़निन।”

युहन्‍ना 8:55

खानानिन्‌आ खोक्‍को मान्‍सिन्‍त़युक्‍तुम, मेन अ़ङ्‌का खोक्‍को सिन्‍तुङ। अ़ङ्‌का खोक्‍को ‘मान्‍सिन्‌युक्‍तुङ’नि य़ङ्‌ङानालो अ़ङ्‌का खानानिन्‌वा सोज्‍जेओ लिङा। मेन अ़ङ्‌का खोक्‍को सिन्‍तुङ, खोन्‍कि खोक्‍कोसोओ अ़चुय़ङ्‌वा च़ङा।

युहन्‍ना 9:24

खोन्‍किना मोचिआ मो दोप्‍म़क म़ना ह्‍वादुओदु अ़बुत्‍ताकि अ़सेना, “निनाम्‍हाङ्‌ओ अ़चुऩङ्‌दा अ़छ़ङ य़ङ य़ङा। आन्‍कान्‍का सिन्‍तुम्‌योम्‍का मो म़ना हेवामि ओ।”

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

हिब्रु 2:9

मेन आन्‍कान येसु खाम। खोक्‍को अ़क्‍दुओ निम्‍पाङ निनाम्‍हाङ काफाचिदाङ्‌का अ़क्‍चित ह्‍युना अ़युङ्‌साकि निनाम्‍हाङ्‌ओ अ़चुसोम्‍तुक्‍माआ झारा म़नाचिओ निम्‍पाङ खोक्‍को स़मादोरा। मोवात्‍निङा खोक्‍कोसाआ आन्‍को निम्‍पाङ स़माओ अ़चाअ़त्‍मा अ़आङ्‌ता। खोन्‌ओसा खोक्‍को साम खोन्‍कि साऩङ्‌वाओ ताङ्‌बोप्‍खाआ अ़बोप्‍तायुङ्‌सा।