युहन्‍ना 8:47 - बान्‍तावा राई

⁴⁷ साङ निनाम्‍हाङ्‌ओ ओ, मोसाआ निनाम्‍हाङ्‌ओ अ़चुय़ङ एनु। खानानिन निनाम्‍हाङ्‌ओ माआङ, खोन्‌ओसा खानानिन खोक्‍कोसोओ अ़चुय़ङ त़एनिमिन।”

युहन्‍ना 8:47 ပူးပေါင်းရင်းမြစ်များ

युहन्‍ना 12:48

अ़ङ्‌का ऩङाकाछित खोन्‍कि अ़ङ्‌य़ङ मान्‍लोक्‍कादाओ निम्‍पाङ अ़क्‍छा छ़ङ्‌काछेन म़युङ्‌याङ। खाक्‍को य़ङ अ़ङ्‌का चेउङ मो य़ङ्‌आङा आदेङ्‌ओ लेन्‌दा मोसोओ अ़छ़ङ छेन्‍तु।

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

युहन्‍ना 6:65

“खोन्‌ओसाआ अ़ङ्‌का खानानिन लोनानिन्‌ओ पापा निनाम्‍हाङ्‌आ ऩप़ऩङ्‌नालो साङ्‌छाङ अ़ङ्‌काएदा तामा अ़ऱनिन” निकिना खोक्‍कोसाआ म़लोचि।

युहन्‍ना 8:37

अ़ङ्‌का सिन्‍तुङ्‌योङ, खानानिन अब्राहाम्‌ओ अ़छाचि ओ, खोन्‍नुछाङ खानानिन्‌आ अ़ङ्‌का सेत्‍मा त़लाप्‍ङाङाऩङ, देकिनालो अ़ङ्‌चिन्‍माय़ङ खानानिन त़लोइमिन।

युहन्‍ना 8:43

अ़ङ्‌का य़ङ्‌ङाङाओ खानानिन्‌आ देकि त़तुप्‍तिमिन्‌येन? देकिनालो खानानिन्‌आ अ़ङ्‌य़ङ लोक्‍मा त़ऱन्‍मिन।

युहन्‍ना 8:45

अ़ङ्‌का अ़छ़ङ चेप्‍ङाओसा खानानिन्‌आ अ़ङ्‌का साकोङ्‌छ़ङ त़मुऩङ्‌ऩम़ङ।

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

२ युहन्‍ना 1:9

ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।