युहन्‍ना 8:32 - बान्‍तावा राई

³² खोन्‍किना खानानिन्‌आ अ़छ़ङ त़सिन्‍तुम, खोन्‍कि अ़छ़ङ्‌आ खानानिन त़फोङ्‌सिन।”

युहन्‍ना 8:32 ပူးပေါင်းရင်းမြစ်များ

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 16:13

अ़छ़ङ ओ लावा म़ताहिदा खोक्‍कोसाआ खानानिन झारा अ़छ़ङ्‌दा ऩतित्‍तिन। खोक्‍को आप्‍पिओ अ़चुपाङ्‌लाम्‍पा ऩचेप्‍तिन्‍प़न। खोक्‍कोसाआ दि अ़एन, मो अ़चेप, खोन्‍कि लिसि म़ताओ य़ङ्‌चि खानानिन खाऩएत्‍तिन।

युहन्‍ना 17:17

आम्‍नुओ य़ङ अ़छ़ङ ओ। आम्‍नुओ अ़छ़ङ य़ङ्‌लाम्‍पा मोचि खानानिन ब़त्‍सि सेङ्‌सानुम्‍च़म।

युहन्‍ना 6:45

निनाम्‍हाङ्‌य़ङ खाकालुचिआ अ़छाप्‍तायुङ्‌सा, ‘मोचि झारा निनाम्‍हाङ्‌आ म़चिन्‍तुचि।’ झारा साङ्‌आ पापा निनाम्‍हाङ्‌एदाङ्‌का एनु खोन्‍कि चिन्‍नान्‍चिन, मो अ़ङ्‌काएदा ता।

युहन्‍ना 7:17

खाक्‍को म़नाआ निनाम्‍हाङ्‌ओ अ़चुमिन्‍मावा च़मानि मिन्‌नालो अ़ङ्‌चिन्‍माय़ङ निनाम्‍हाङ्‌दाङ्‌काओ हे, अ़ङ्‌को आप्‍पिओ अ़ङ्‌पाङ्‌दाङ्‌का ओ, मो खोसाआ सिन्‍तु।

युहन्‍ना 8:36

खोन्‌ओसा अ़चुछाआ खानानिन ऩफोङ्‌सिन्‌नालो खानानिन अ़नुछ्‍या त़फोङ्‌सिन।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

१ कोरिन्‍थि 7:22

देकिनालो हाङ्‌पाआ अ़बुत्‍ताहिदा खाक्‍को म़ना हारुक मुवाङा, हान मो हाङ्‌पाओ अ़चुलेत्‌वा लिसायुङ्‌सा। मोवात्‍निङा अ़बुत्‍ताहिदा खाक्‍को म़ना फोङ्‌साङा, हान मो ख्रिस्‍तओ अ़चुहारुक लिसायुङ्‌सा।

गलाति 5:1

ख्रिस्‍तआ आन्‍कान म़फोङ्‌साओ। खोन्‌ओसा खानानिन नुलोक एवानिन, खोन्‍कि देम्‍खाछाङ हारुक्‌ओ कोम्‌दा मान्‍लानाप्‌दानिन्‍चिन।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

२ तिमोथि 3:7

मो मेत्‍छामाचि अ़धुन म़चिन्‍नान्‍चिन, मेन देम्‍खाछाङ अ़छ़ङ य़ङ लोक्‍मा ऩऱन।

याकुब 1:25

मेन साङ्‌आ काफोङ ब़द्‍धे अ़नुवाक य़ङ्‌हुप नुलोक खाकि मो मुयुङ्‌सु, खोन्‍किना एनुओ य़ङ अ़मान्‍तुन्‍खाइसुन्‌किना काचि मु, मेन काचि मुनालो खोसाआ मुओ अ़काचिदा आसिखा तोक्‍तु।

याकुब 2:12

खोन्‌ओसा खानानिन दि त़चेविन खोन्‍कि दि काचि त़मुन, खानानिन काफोङ य़ङ्‌हुप्‌लाम्‍पा आम्‍नुओ छ़ङ्‌छेन।

१ पत्रुस 2:16

लेत्‌वाचिवात्‍नि युङानिन। खोन्‍नुछाङ लत्‌वाओ अ़ऩङ त़मुम्‌कि अ़अ़त्‍पा काचि मान्‍मुदानिन, मेन निनाम्‍हाङ्‌ओ अ़चुहारुक लिसानिन।

२ युहन्‍ना 1:1

ताङ्‌पाएदाङ्‌का छेन्‍माय़ङ मेत्‍छामा खोन्‍कि अ़छाचि, अ़ङ्‌का खानानिन अ़नुछ्‍या सोमातुक्‍नाङ्‌नानिन खोन्‍कि अ़ङ्‌का ओन्‍ङा माआङ, मेन अ़छ़ङ कासिन निचिआछाङ खानानिन सोमाऩतुक्‍तिन्‌येन।