युहन्‍ना 7:7 - बान्‍तावा राई

⁷ हेन्‍खामाआ खानानिन ऩङात़छिरिमिन, मेन अ़ङ्‌का ना ऩङाअ़छित्‍ङा। देकिनालो हेन्‍खामाओ काचिचि अ़अ़त्‍पा म़मुयाङ निकिना अ़ङ्‌का सालुम्‍स़ङ प़ङ।

युहन्‍ना 7:7 ပူးပေါင်းရင်းမြစ်များ

लुका 6:26

अ़चाअ़त्‍मादा त़छुक्‍तिन झारा म़नाचिआ देम्‍खा खानानिन नुलोक ऩचोन्‍तिन! देकिनालो मो म़नाचिओ अ़चुसुन्‍तुम्‌चिआछाङ सोज्‍जेओ निनाम्‍हाङ्‌य़ङ खाकालुचि मोवात्‍निङा म़चोन्‍तुङुचि।

युहन्‍ना 17:14

अ़ङ्‌का मोचि आम्‍नुओ य़ङ प़ङ्‌च़ङ, खोन्‍कि हेन्‍खामाआ मोचि ऩङाछिरुचि, देकिनालो मोचि हेन्‍खामादाओचि माआङ, देत्‍नि अ़ङ्‌काछाङ हेन्‍खामादाओ माआङ।

युहन्‍ना 3:19

छ़ङ्‌छेन्‍माआ ओवात्‍नि काचि मु: साम हेन्‍खामादा तायुङ्‌सा, मेन म़नाचिआ साम्‌दाङ्‌का च़लोक कुइयामा ऩङाअ़नुसा, देकिनालो मोचिओ अ़चुकाचिचि अ़अ़त्‍पा म़मुवाङा।

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

गलाति 4:16

खोन्‍नालो खानानिन अ़छ़ङ लोनानिन्‌ओसा दि अ़ङ्‌का आम्‍नुओ ङेङ लिसाङ कि?

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

१ युहन्‍ना 4:5

मोचि हेन्‍खामादाङ्‌काओचि ओ, खोन्‌ओसा हेन्‍खामादाओ य़ङ म़चेप, खोन्‍कि मोचि म़चेप्‌ओ य़ङ हेन्‍खामादाओ म़नाचिआ अ़एन।