युहन्‍ना 7:41 - बान्‍तावा राई

⁴¹ निचि म़य़ङा, “ओ ना ख्रिस्‍त ओ।” मेन खा-खाक्‍कोचि म़य़ङा, “दि ख्रिस्‍त गालिल्‌दाङ्‌का तामा म़ऱ कि?

युहन्‍ना 7:41 ပူးပေါင်းရင်းမြစ်များ

युहन्‍ना 1:41

येसुएनान हासान्‌यान्‍चिन्‌वा खोसाआ बुया अ़बुवा सिमोन तुउ खोन्‍कि खोसाआ लो, “आन्‍कान्‍का ‘मसिह’ धिरुम्‌युङ्‌सुम्‍का।” (“मसिह”ओ अ़तुप्‌य़ङ कालेन्‍पा ख्रिस्‍त ओ)

युहन्‍ना 1:46

नथानेल्‌आ मो सेनु, “दि नासरत्‌दाङ्‌का अ़नुवाक य़ङ तामा ऱ कि?” फिलिप्‌आ मो लासुलो, “बानाकि खा।”

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 4:25

मो मेत्‍छामाआ खोक्‍को लो, “अ़ङ्‌का सिन्‍तुङ्‌योङ, खाउग़रि मसिह म़तायाङ, मोन्‍ग़रि खोक्‍कोसाआङा आन्‍कान्‍का झारा य़ङ खाऩएत्‍तिन्‍का।” मसिह ख्रिस्‍तनि अ़लो।

युहन्‍ना 4:29

“बानानिन्‌कि अ़क्‍छा म़ना खानुम, खोक्‍कोसाआ अ़ङ्‌का मुङ्‌च़ङ्‍ओ झारा काचिचि खाऩएत्‍ताङ। मात्‌दे, खोक्‍को ख्रिस्‍त ना माआङ?”

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

युहन्‍ना 6:69

खोन्‍कि आन्‍कान्‍का साकोङ्‌छ़ङ मुनियुङ्‌नि खोन्‍कि सिन्‍नियुङ्‌नि, खानानिन निनाम्‍हाङ्‌ओ त़सेङिन्‌येन्‌ओ अ़चुम़ना ओ।”

युहन्‍ना 7:27

मेन आन्‍कान सिन्‍तुम्‌योम, ओ म़ना खादाङ्‌का ताओ। मेन ख्रिस्‍त म़ताहिदा खाङ्‌म़मुनान्‍चिन, खोक्‍को खादाङ्‌का म़ता साङ्‌आछाङ अ़सिन्‍तुन।”

युहन्‍ना 7:31

खोन्‍नुछाङ मुक्‍लादाओ ब़द्‍धे म़नाचिआ खोक्‍कोएदा साकोङ्‌छ़ङ म़मुवा खोन्‍कि मोचि म़य़ङा, “ख्रिस्‍त म़ताहिदा दि ओ म़नाआ मुचिओदाङ्‌का तोक्‍पो म़दोम्‍दाओ बुन्‌चि मुमा ऱचि कि?”

युहन्‍ना 7:52

मोचिआ खो अ़लासालोवा, “दि खानाछाङ गालिल्‌दाङ्‌का ओ? साम्‍कालिन्‌दा लामुकि खा, खोन्‍कि खाना त़खा, गालिल्‌दाङ्‌का निनाम्‍हाङ्‌य़ङ खाकालु अ़लोन्‍निन।” [