युहन्‍ना 7:4 - बान्‍तावा राई

⁴ खाक्‍को म़नाआ अ़ऩङ ऱङ्‌मा स़, मो सुकुलादा काचि अ़मुनिन। खानानिन ओ काचिचि त़मुम्‍च़म्‌नालो आप्‍पि हेन्‍खामादा खाङ्‌मुसानिन्‍चिन।”

युहन्‍ना 7:4 ပူးပေါင်းရင်းမြစ်များ

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

मत्‍ति 4:6

खोन्‍कि खोक्‍को लो, “खानानिन निनाम्‍हाङ्‌ओ अ़चुछाओनालो ह्‍युनि छुक्‍तानिन, देकिनालो साम्‍कालिन्‌दा छाप्‍तायुङ्‌सा, ‘निनाम्‍हाङ्‌आ खोक्‍को काफाचि आम्‍नुओ निकि म़लोचि। खोन्‍कि आम्‍लाङ लुङ्‌दुङ्‌दा अ़धुङ्‌निन्‍ने निकिना मोचिआ अ़चुओ छुक्‍छुक्‌आ खाना ऩक़क।’”

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

लुका 6:45

अ़नुवाक म़नाआ अ़साकोङ्‌वादा कोउओ अ़नुवाक य़ङ्‌दाङ्‌का अ़नुवाक य़ङ्‌चि लोइसुचि। अ़अ़त्‍पा म़नाआ अ़साकोङ्‌वादा कोउओ अ़अ़त्‍पा य़ङ्‌दाङ्‌का अ़अ़त्‍पा य़ङ्‌चि लोइसुचि। देकिनालो साकोङ्‌वादा म़भेप्‍ताओ य़ङ्‌चि म़नाओ अ़दोदाङ्‌का म़लोन।

युहन्‍ना 18:20

येसुआ खो अ़लासालोवा, “अ़ङ्‌का हेन्‍खामादाओ झारा म़नाचि मान्‍कुम्‍माङ लोङ्‌युङ्‌सुङ्‌च़ङ। अ़ङ्‌का अ़धुन यावायोक्‍खिम्‌चिदा खोन्‍कि निनाम्‍हाङ ब़क्‍खाखिम्‌दा चिन्‍तुङ्‌च़ङ, मोदा झारा यहुदिचि म़कोवान्‍चिन। अ़ङ्‌का सुकुलादा दित्‍छाङ मान्‌य़ङ्‌युक्‍ङा।

युहन्‍ना 7:3

खोन्‌ओसा येसुओ अ़चुनिछाचिआ खोक्‍को अ़लोवा, “गालिल छिरादानुम, खोन्‍कि यहुदिया खारानिन, खोन्‍किना खानानिन्‌आ त़मुम्‌योम्‍च़म्‌ओ काचिचि आम्‍नुओ काखेङ्‌पाचिआछाङ अ़खाङ्‌ने।

युहन्‍ना 7:5

खोक्‍कोसोओ अ़चुनिछाचि मोवात्‍नि म़य़ङा देकिनालो खोचिआछाङ येसु साकोङ्‌छ़ङ मान्‍मुअ़दाङा।