युहन्‍ना 7:35 - बान्‍तावा राई

³⁵ खोन्‌ओसा यहुदिचि अ़क्‍छा निएदा म़य़ङा, “ओ खादा खात्‍मा म़मुयाङ, खोन्‍कि आन्‍कान खो अ़धिरिमिन? दि ओक्‍को ग्रिक य़ङ काचेप्‌चिओ अ़चुरादा म़रिसाखाराकि म़युङ्‌याङ्‌ओ यहुदिचिएदा खात्‍माकि ग्रिक य़ङ काचेप्‌चि चिन्‍माचि म़स़याङ?

युहन्‍ना 7:35 ပူးပေါင်းရင်းမြစ်များ

मत्‍ति 12:21

खोक्‍कोसोओ अ़चुऩङ्‌दा झारा रावा-रावाचि तामित्‍मा म़मु।”

लुका 2:32

खोक्‍कोङा निरावा म़नाचिओ निकि आम्‍नुओ लाम खाङ कामेत साम म़युङ्‌याङ, खोन्‍कि खोक्‍को आम्‍नुओ रावा इस्राएलिचिओ अ़चुऩङ तोक्‍पो कामु म़लि।”

युहन्‍ना 12:20

चानुचादा निनाम्‍हाङ ब़क्‍सि काखात्‍चिएदाओ खा-खाक्‍कोचि ग्रिक य़ङ काचेप्‌चिछाङ म़याआङा।

युहन्‍ना 7:1

खोन्‍किना येसु गालिल्‌दाङा म़कोला, मेन खोक्‍को यहुदियादा खात्‍मा मान्‍स़चि, देकिनालो यहुदि बुसुवाचिआ खोक्‍को सेत्‍मा निकिना अ़वाखाम अ़लाप्‍ताङा।

युहन्‍ना 8:22

खोन्‍किना यहुदिचि म़य़ङा, “ओ ना आप्‍पि सेत्‍नान्‍चिन हे देत्‍नि? देकिनालो ओसाआ ‘खादा अ़ङ्‌का खात्‍ङाङा खानानिन तामा त़ऱन्‍मिन’नि य़ङ्‌याङ।”

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 14:1

आइकोनियन्‌दा पावल खोन्‍कि बारनाबास अ़धुन्‌वाङा यहुदिचिओ अ़चुयावायोक्‍खिम्‌दा वाङाचिकि निनाम्‍हाङ्‌ओ अ़चुय़ङ अ़चुमिन्‍मादा खारालो चेवाचि, खोन्‌ओसा मोदा म़युङाङाओ ब़द्‍धे यहुदिचि खोन्‍कि ग्रिक्‌चिआ येसु ख्रिस्‍त साकोङ्‌छ़ङ अ़मुवा।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 18:4

झारा सावातोम्‍खा-लेन पावल यहुदिचिओ अ़चुयावायोक्‍खिम्‌दा खाराकि यहुदिचि खोन्‍कि ग्रिक्‌चिएनान दुम्‍तुसाङा, खोन्‍कि मोचि हाङ्‌पाएदा साकोङ्‌छ़ङ मुवानिन्‌नि लोङुचि।

छाम्‍माय़ङ 21:21

खोन्‍किना खोचि आम्‍नुओ तुक्‌वादा खाम़एत्‍तुयुङ्‌सुचि। खानानिन्‌आ निरावाचिओ अ़चुरादा कायुङ झारा यहुदिचि ‘निनाम्‍हाङ्‌य़ङ खाकालु मोसाओ अ़य़ङ्‌हुप छित्‍मादोत’नि त़चिन्‍तुम्‌योम्‍च़म्‌नि म़य़ङ्‌याङ। मोचि खानानिन्‌आ ‘आम्‍नुओ छाचि सिप्‍मायाम्‍बुन पाक्‍मा अ़नुनिन, माङ्‌लो यहुदि आन्‍च़माथाङ्‌मावा च़मा अ़दोत्‍निन’नि त़लोम्‌योम्‍च़म्‌नि म़य़ङ्‌याङ।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

२ तिमोथि 1:11

खोन्‍कि ओ नुय़ङ्‌खान्‌ओ निम्‍पाङ अ़ङ्‌का अ़क्‍छा खाकालु, खोन्‍कि छाम्‍माय़ङ खोन्‍कि काचिन ऩछेन्‍ताङ।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

१ पत्रुस 1:1

येसु ख्रिस्‍तओ अ़चुछाम्‍माय़ङ पत्रुस्‌दाङ्‌का, पोन्‍तस, गलातिया, कापादोकिया, एसिया खोन्‍कि बिथिनियादा कायुङ लोन्‍माखान्‍माय़ङ फात्‍ताफेला म़लिसाओचि निनाम्‍हाङ्‌आ म़छेन्‍तुचिओचिओ निम्‍पाङ ओ छाप्‍लावा छाप्‍तुङ्‌योङ।