युहन्‍ना 7:19 - बान्‍तावा राई

¹⁹ दि निनाम्‍हाङ्‌य़ङ खाकालु मोसाआ खानानिन य़ङ्‌हुप त़प़न्‌ओ माआङ? मेन खानानिन साङ्‌छाङ मो य़ङ्‌हुप्‌वा त़च़न्‍मिन। खानानिन देकि अ़ङ्‌का सेत्‍मा त़लाप्‍ङाङाऩङ?”

युहन्‍ना 7:19 ပူးပေါင်းရင်းမြစ်များ

मत्‍ति 12:14

मेन फरिसिचि बुङ्‌खाया म़लोन्‍ता खोन्‍कि येसु देत्‍नि सेत्‍मा निकिना मोचिआ खोक्‍कोसोओ अ़चुदेङ्‌सालाप्‍पादा थालि म़बाङ्‌ता।

मत्‍ति 21:38

मेन अ़व़क काचात्‌चिआ अ़चुछा अ़खाकि अ़क्‍छा निएदा म़य़ङा, ‘ओ ना व़क्‌ओ पाङ्‌कातोक ओ। बानानिन, आन्‍कान मो सेरुम्‍ने, खोन्‍कि आन्‍कान पाङ्‌कातोक लिसिन!’

मर्कुस 11:18

ओ य़ङ मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ अ़एना, खोन्‍कि मोचिआ येसु देत्‍नि सेत्‍मा निकिना अ़लाम लाम्‍मा अ़पुक्‍ता। मेन मोचि खोक्‍कोएदा म़क़सा, देकिनालो खोक्‍कोसोओ अ़चुचिन्‍मादा झारा म़ना मुक्‍लाचि दोम्‍तुदोचि।

मर्कुस 3:4

खोन्‍किना येसुआ मोचि म़सेनुचि, “सावातोम्‍खा-लेन्‌दा य़ङ्‌हुप्‌वा नुलोक च़मा नु हे, अ़त्‍लो च़मा माङ्‌लो ह़ङ्‌म़ङ लेन्‍मा नु हे, ह़ङ्‌म़ङ सेत्‍मा नु?” मेन मोचि वाइवेत म़लिसा।

मर्कुस 3:6

खोन्‍कि फरिसिचि बुङ्‌खाया म़लोन्‍ता खोन्‍कि येसु देत्‍नि सेत्‍मा निम्‍पाङ हेरोद कात़ङ्‌चिएनान खोक्‍कोसोओ अ़चुदेङ्‌सालाप्‍पादा च़क्‍नि थालि म़बाङ्‌ता।

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 10:39

मोचिआ खोक्‍को लामालाप्‍मा अ़लाप्‍ता, मेन खोक्‍को मोचिएदाङ्‌का म़फुङ्‌सा।

युहन्‍ना 11:53

खोन्‌ओसा मो लेन्‌दाङ्‌का मोचिआ खोक्‍को देत्‍नि सेत्‍मा निम्‍पाङ याम़योआ।

युहन्‍ना 5:16

खोन्‌ओसा यहुदिचिआ येसु ल़क्‍मा अ़पुक्‍ता, देकिनालो खोक्‍कोसाआ ओ काचि सावातोम्‍खा-लेन्‌दा अ़मुवायुङ्‌सा।

युहन्‍ना 5:18

खोन्‌ओसा यहुदि बुसुवाचिआ येसु च़लोक सेत्‍मा अ़लाप्‍ता, देकिनालो खोक्‍कोसाआ सावातोम्‍खा-लेन काक्‍मा काचि ओन्‍ङा माआङ, मेन आप्‍पि निनाम्‍हाङ्‌एनान अ़क्‍निओ मुवान्‍चिन्‌कि खोक्‍कोसाआ निनाम्‍हाङ अ़ङ्‌पापानि म़य़ङा।

युहन्‍ना 5:45

ओ मान्‍मित्‌दानुम, अ़ङ्‌का पापा निनाम्‍हाङ्‌ओ अ़चुबुदा खानानिन लाहि पाक्‍नानिन। खानानिन लाहि कापाक ना निनाम्‍हाङ्‌य़ङ खाकालु मोसा ओ, खोएदा खानानिन सोम्‍कुवा त़मुन।

युहन्‍ना 7:1

खोन्‍किना येसु गालिल्‌दाङा म़कोला, मेन खोक्‍को यहुदियादा खात्‍मा मान्‍स़चि, देकिनालो यहुदि बुसुवाचिआ खोक्‍को सेत्‍मा निकिना अ़वाखाम अ़लाप्‍ताङा।

युहन्‍ना 7:25

खोन्‍किना यरुसलेम्‌दाओ खा-खाक्‍को म़नाचि म़य़ङा, “दि ओ म़नाङा माआङ, मोचिआ सेत्‍मा अ़लाप्‌याङ ओ?

छाम्‍माय़ङ 7:38

ओ मोसाङा इस्राएलि म़नाचि लेक्‍लेक्‍लेक्‌वाओदा साम्‍भुङ्‌चिएदा निनाम्‍हाङ काफा खोन्‍कि आन्‍सुन्‍तुम्‌चिएनान सिनै भ़ऱदु म़चेवा, खोन्‍कि निनाम्‍हाङ्‌य़ङ खाकालु मोसाआ आन्‍कान प़मा निम्‍पाङ अ़ह़ङ य़ङ्‌खान्‌चि निनाम्‍हाङ काफाएदाङ्‌का तोक्‍तुचि।

गलाति 3:19

खोन्‍नालो य़ङ्‌हुप्‌ओ अ़मित्‍चिऩङ दि ओ? खाक्‍को छा अ़हिप्‍तायुङ्‌साओ, खोक्‍को मान्‍ताम़युक ओन म़नाचिआ हेवा अ़खाङ्‌ने निकिना म़तेप्‍तुप़चिओ। खोन्‍कि अ़क्‍छा कातुम्‌आ निनाम्‍हाङ काफाचिलाम्‍पा य़ङ्‌हुप अ़युङ्‌सा।

गलाति 6:13

देकिनालो सिप्‍मायाम्‍बुन कामुचिछाङ य़ङ्‌हुप्‌वा ऩच़निन। मेन आम्‍नुओ पोक्‌ओ अ़तुक्‌वादा तोक्‍पो खोन्‍कि खानानिन अ़चुओ कात़ङ्‌चिनि य़ङ्‌माओ निम्‍पाङ खानानिन सिप्‍मायाम्‍बुन त़मुन्‍नेनि मोचि म़मिन।