युहन्‍ना 7:16 - बान्‍तावा राई

¹⁶ खोन्‍किना येसुआ मोचि म़लासुलोचि, “अ़ङ्‌चिन्‍माय़ङ अ़ङ्‌को माआङ, मेन अ़ङ्‌का काछुत निनाम्‍हाङ्‌दाङ्‌का ता।

युहन्‍ना 7:16 ပူးပေါင်းရင်းမြစ်များ

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 17:14

अ़ङ्‌का मोचि आम्‍नुओ य़ङ प़ङ्‌च़ङ, खोन्‍कि हेन्‍खामाआ मोचि ऩङाछिरुचि, देकिनालो मोचि हेन्‍खामादाओचि माआङ, देत्‍नि अ़ङ्‌काछाङ हेन्‍खामादाओ माआङ।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:11

अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।

युहन्‍ना 3:31

धानाङ्‌का काय़ झारादाङ्‌का म़झोन्‌याङ। हेन्‍खामादा लिओ म़ना हेन्‍खामादाओङा ओ, खोन्‍कि हेन्‍खामादाओ य़ङ्‌चि म़चेप। निनाम्‍मादुङ्‌का काय़ झारादाङ्‌का म़झोन्‌याङ।

युहन्‍ना 5:30

अ़ङ्‌का आप्‍पि दित्‍छाङ मुमा अ़ऱऩङ। देत्‍नि अ़ङ्‌का एनुङ, मोवात्‍निङा अ़ङ्‌का छ़ङ्‌छेन्‍ङा। खोन्‍कि अ़ङ्‌छ़ङ्‌छेन्‍मा नुलोक कान, देकिनालो अ़ङ्‌का अ़ङ्‌मिन्‍मावा च़मा अ़लाम्‍ऩङ, मेन अ़ङ्‌का काछुत्‌ओ अ़चुमिन्‍मावा च़ङा।

युहन्‍ना 6:44

अ़ङ्‌का काछुत अ़ङ्‌पापाआ अ़ङ्‌काएदा मो अ़तित्‍तुन्‍तारुन्‌नालो साङ्‌छाङ अ़ङ्‌काएदा तामा अ़ऱनिन। मेन मो तानालो अ़ङ्‌का मो आदेङ्‌ओ लेन ह़ङ्‌सुङ्‌लोइसुङ।

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

२ युहन्‍ना 1:9

ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।