युहन्‍ना 6:68 - बान्‍तावा राई

⁶⁸ सिमोन पत्रुस्‌आ लासुलो, “हाङ्‌पो, आन्‍कान्‍का साङ्‍एदा खारिन्‍का ओ? खानानिन्‌एदा अ़धुन्‌ओ ह़ङ्‌म़ङ्‌ओ य़ङ्‌चि म़युङ्‌याङ।

युहन्‍ना 6:68 ပူးပေါင်းရင်းမြစ်များ

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

मर्कुस 8:29

खोक्‍कोसाआ मोचि म़सेनुचि, “मेन खानानिन अ़ङ्‌का साङ्‌नि त़लोङाङाऩङ?” पत्रुस्‌आ खोक्‍को लासुलो, “खानानिन ख्रिस्‍त ओ।”

लुका 9:20

खोक्‍कोसाआ मोचि म़सेनुचि, “मेन खानानिन अ़ङ्‌का साङ्‌नि त़लोङाङाऩङ?” खोन्‍किना पत्रुस्‌आ लासुलो, “खानानिन निनाम्‍हाङ्‌ओ अ़चुख्रिस्‍त ओ!”

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 12:50

अ़ङ्‌का सिन्‍तुङ्‌योङ, खोक्‍कोसोओ अ़चुलोमाय़ङ्‍आ अ़लुक्‍निन्‌ओ ह़ङ्‌म़ङ्‌दा म़तित। खोन्‌ओसा अ़ङ्‌का दि चेउङ, पापा निनाम्‍हाङ्‌आ अ़ङ्‌का ऩलोङाओ ओन्‍ङा चेप्‍ङा।”

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:63

ह़ङ्‌म़ङ काप़ लावाङा ओ! मेन पोक्‌आ दित्‍छाङ ओवाको काचि मुमा अ़ऱन। खाक्‍को य़ङ अ़ङ्‌का खानानिन्‌एदा चेउङ, मो निनाम्‍हाङ लावादाङ्‌का ओ, खोन्‍कि मो य़ङ्‌आ अ़धुन्‌ओ ह़ङ्‌म़ङ प़।

छाम्‍माय़ङ 13:26

अ़ङ्‍इस्राएलि ब़ब़, नाना खोन्‍कि निछाचि ओ, अब्राहाम्‌ओ अ़छावारिचि खोन्‍कि निनाम्‍हाङ काब़क निरावा यावाचि ओ, निनाम्‍हाङ्‌आ आन्‍कान लेन्‍माओ य़ङ्‌खान अ़तासायुङ्‌सा।

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

छाम्‍माय़ङ 5:20

“खारानिन्‌कि निनाम्‍हाङ ब़क्‍खाखिम्‌दा एवानिन, खोन्‍कि झारा म़नाचि ओ ह़ङ्‌म़ङ्‌ओ अ़तुक्‌वादा खाएत्‍तानुम्‍च़म।”

छाम्‍माय़ङ 7:38

ओ मोसाङा इस्राएलि म़नाचि लेक्‍लेक्‍लेक्‌वाओदा साम्‍भुङ्‌चिएदा निनाम्‍हाङ काफा खोन्‍कि आन्‍सुन्‍तुम्‌चिएनान सिनै भ़ऱदु म़चेवा, खोन्‍कि निनाम्‍हाङ्‌य़ङ खाकालु मोसाआ आन्‍कान प़मा निम्‍पाङ अ़ह़ङ य़ङ्‌खान्‌चि निनाम्‍हाङ काफाएदाङ्‌का तोक्‍तुचि।

छाम्‍माय़ङ 8:37

फिलिप्‌आ खो लासु लो, “आम्‍साकोङ्‌वा हुत्‌याङ्‌का येसु ख्रिस्‍तएदा साकोङ्‌छ़ङ त़मुनालो खाना बप्‍तिस्‍मा लोक्‍मा त़ऱ।” अ़सावाऱक क़प्‍माय़ङ्‍आ लो, “येसु ख्रिस्‍त निनाम्‍हाङ्‌ओ अ़चुछा ओ निकिना अ़ङ्‌का साकोङ्‌छ़ङ मुङा।”]