युहन्‍ना 6:39 - बान्‍तावा राई

³⁹ खोन्‍कि अ़ङ्‌का काछुत्‌ओ अ़चुमिन्‍मा ओङा ओ, खोक्‍कोसाआ अ़ङ्‌का ऩपुवाङ्‍ओचिदाङ्‌का साङ्‌छाङ अ़ङ्‌का अ़माऩङ्‌ने, मेन मोचि आदेङ्‌ओ लेन्‌दा अ़ह़ङ मुङ्‌च़ङ्‌ने।

युहन्‍ना 6:39 ပူးပေါင်းရင်းမြစ်များ

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 18:14

ओवात्‍निङा निनाम्‍मादु कायुङ आम्‍नुओ पापाओछाङ ओ अ़चुप्‍पाचिएदा अ़क्‍छाछाङ अ़लुक्‍निन्‍नेनि अ़चुमित्‍चिऩङ मुयाङ।

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

युहन्‍ना 12:48

अ़ङ्‌का ऩङाकाछित खोन्‍कि अ़ङ्‌य़ङ मान्‍लोक्‍कादाओ निम्‍पाङ अ़क्‍छा छ़ङ्‌काछेन म़युङ्‌याङ। खाक्‍को य़ङ अ़ङ्‌का चेउङ मो य़ङ्‌आङा आदेङ्‌ओ लेन्‌दा मोसोओ अ़छ़ङ छेन्‍तु।

युहन्‍ना 17:12

देम्‍खातारि अ़ङ्‌का मोचिएदा युङाङ, खानानिन्‌आ अ़ङ्‌का त़प़निओ आम्‍नुओ सावाआ मोचि रात्‍तुङ्‌च़ङ। खोन्‍किना मोचिएदाओ कालुक्‌दाङ्‌का नि खाक्‍कोछाङ मान्‍लुक्‌चि, खोन्‌ओसा साम्‍कालिन तामालामा दोराङा।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 17:6

हेन्‍खामादाङ्‌का खाक्‍को म़नाचि अ़ङ्‌का त़प़नियुङ्‌नि, मोचि अ़ङ्‌का खानानिन खाङ्‌मेत्‍तुङ्‌युङ्‌सुङ्‌च़ङ। मोचि आम्‍नुओचि म़मुवाङा, खोन्‍किना खानानिन्‌आ मोचि अ़ङ्‌का त़प़नि, खोन्‍कि मोचि आम्‍नुओ य़ङ म़काङ्‌सायुङ्‌सा।

युहन्‍ना 17:9

अ़ङ्‌का मोचिओ निम्‍पाङ यामात्‍ङा, हेन्‍खामाओ निम्‍पाङ अ़ङ्‌का याअ़मात्‍ऩङ, मेन साङ-साङ्‌चि खानानिन्‌आ अ़ङ्‌का त़प़नियुङ्‌नि, देकिनालो मोचि आम्‍नुओचिङा ओ।

युहन्‍ना 18:9

“खानानिन्‌आ अ़ङ्‌का त़पुवाङ्‌ऩङ्‍ओदाओ अ़क्‍छाछाङ मान्‍माङाच़ङ” नि खोक्‍को म़य़ङाओ य़ङ तालाने निकिना ओ लिसाओ।

युहन्‍ना 5:28

ओ य़ङ्‌दा मान्‍दोम्‍दादानिन्‍चिन, देकिनालो ग़रि तायाङ, मोन्‍ग़रि एप्‍मादाओचि झारासाआ खोक्‍कोसोओ अ़चुय़ङ अ़एन,

युहन्‍ना 6:37

अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:44

अ़ङ्‌का काछुत अ़ङ्‌पापाआ अ़ङ्‌काएदा मो अ़तित्‍तुन्‍तारुन्‌नालो साङ्‌छाङ अ़ङ्‌काएदा तामा अ़ऱनिन। मेन मो तानालो अ़ङ्‌का मो आदेङ्‌ओ लेन ह़ङ्‌सुङ्‌लोइसुङ।

युहन्‍ना 6:54

अ़ङ्‌पोक काचा खोन्‍कि अ़ङ्‌ह़ कादुङ्‌एदा अ़धुन्‌ओ ह़ङ्‌म़ङ याक, खोन्‍कि आदेङ्‌ओ लेन्‌दा अ़ङ्‌का मोचि ह़ङ्‌सुङ्‌लोइसुङ्‌च़ङ।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

१ कोरिन्‍थि 6:14

निनाम्‍हाङ्‌आ अ़चुसावालाम्‍पा हाङ्‌पा म़सुवादाओदाङ्‌का अ़खोन्‍तालोइसा, खोन्‍कि खोक्‍कोसाआ आन्‍कान्‌छाङ अ़चुसावालाम्‍पा म़खोन्‍लोन।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

याकुब 5:15

खोन्‍कि साकोङ्‌छ़ङ्‌ओ यामात्‍माआ कातुक नु, खोन्‍कि हाङ्‌पाआ खो अ़नु। खोन्‍कि खोसाआ हेवाङा मुओनुछाङ खो लेत्‍प़।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।