युहन्‍ना 6:37 - बान्‍तावा राई

³⁷ अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।

युहन्‍ना 6:37 ပူးပေါင်းရင်းမြစ်များ

मत्‍ति 11:28

झारा त़होत्‍तिन्‌ओ खोन्‍कि पाङ्‌आ त़तिमिन्‌ओचि ओ, अ़ङ्‌काएदा तानिन। अ़ङ्‌का खानानिन सावातोम्‍मा प़नानिन।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 17:6

हेन्‍खामादाङ्‌का खाक्‍को म़नाचि अ़ङ्‌का त़प़नियुङ्‌नि, मोचि अ़ङ्‌का खानानिन खाङ्‌मेत्‍तुङ्‌युङ्‌सुङ्‌च़ङ। मोचि आम्‍नुओचि म़मुवाङा, खोन्‍किना खानानिन्‌आ मोचि अ़ङ्‌का त़प़नि, खोन्‍कि मोचि आम्‍नुओ य़ङ म़काङ्‌सायुङ्‌सा।

युहन्‍ना 6:39

खोन्‍कि अ़ङ्‌का काछुत्‌ओ अ़चुमिन्‍मा ओङा ओ, खोक्‍कोसाआ अ़ङ्‌का ऩपुवाङ्‍ओचिदाङ्‌का साङ्‌छाङ अ़ङ्‌का अ़माऩङ्‌ने, मेन मोचि आदेङ्‌ओ लेन्‌दा अ़ह़ङ मुङ्‌च़ङ्‌ने।

युहन्‍ना 6:65

“खोन्‌ओसाआ अ़ङ्‌का खानानिन लोनानिन्‌ओ पापा निनाम्‍हाङ्‌आ ऩप़ऩङ्‌नालो साङ्‌छाङ अ़ङ्‌काएदा तामा अ़ऱनिन” निकिना खोक्‍कोसाआ म़लोचि।

युहन्‍ना 9:34

मोचिआ खो अ़लासालोवा, “खाना ना अ़नुछ्‍याङा हेवादा त़लिसाओ, खोन्‍कि दि खाना आन्‍कान्‍का चिन्‍मा त़लाप्‍निङ्‌नि ओ?” खोन्‍किना मोचिआ मो यावायोक्‍खिम्‌दाङ्‌का बुङ्‌खाया अ़लोइसाखाइसा।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

फिलिप्‍पि 1:29

देकिनालो ख्रिस्‍तओ निम्‍पाङ खानानिन ब़क्‍मा अ़वाखाम ऩप़न्‌युङ्‌सिन, खोक्‍को साकोङ्‌छ़ङ मुमा ओन्‍ङा माआङ, मेन खोक्‍कोसोओ निम्‍पाङ दुखा आङ्‌माछाङ ओ।

१ तिमोथि 1:16

मेन अ़ङ्‌का निनाम्‍हाङ्‌आ सोमाऩतुक्‍ताङ, देकिनालो हेवामिचिदाङ्‌का मुलो लिसाङ्‌किछाङ येसु ख्रिस्‍तओ अ़धिवाङ अ़चुहुङ्‌माआ अ़ङ्‌का अ़मात्‍ऩङ्‌वात्‍नि खाङ्‌मुमा अ़ऱङाने। खोन्‌ओसा निचिआ अ़सिन्‌कि खोक्‍कोएदा मोचिछाङ साकोङ्‌छ़ङ म़मुने खोन्‍कि अ़धुन्‌ओ ह़ङ्‌म़ङ अ़तोक्‍ने।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

हिब्रु 4:15

आन्‍काओ मुलो काब़क्‍पा आन्‍माऱदामाचिदा सोमामान्‍तुक्‍कादा ऩमुनिनिन। मेन आन्‍कान्‌वात्‍नि खोक्‍को झारा य़ङ्‌दा हेवादा धान्‍मा अ़लाप्‍ताहिदाछाङ खोक्‍को हेवादा मान्‍धान्‍दान्‍चिन।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

खाङ्‌मुमा 22:17

सेङ्‌लावा खोन्‍कि सायाकाकाम्‍मा म़य़ङ्‌याङ, “तानिन!” साङ्‌आ एनु मो य़ङ्‌ने, “तानिन।” साङ वामित्‍मा स़, मो ताने, साङ मिन मोसाआ ह़ङ्‌म़ङ्‌ओ चाक्‌वा मोहाङा दुङुने।