युहन्‍ना 6:33 - बान्‍तावा राई

³³ देकिनालो निनाम्‍हाङ्‌ओ अ़चुपेम्‍पाक मोङा ओ, मो निनाम्‍मादुङ्‌का धा, खोन्‍कि हेन्‍खामादाओ म़नाचि अ़धुन्‌ओ ह़ङ्‌म़ङ प़चि।”

युहन्‍ना 6:33 ပူးပေါင်းရင်းမြစ်များ

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 16:28

अ़ङ्‌का अ़ङ्‌पापाएदाङ्‌का ताङ्‌किना हेन्‍खामादा ताङ्‌युङ्‌साङ, खोन्‍कि अ़ङ्‌का हेन्‍खामा छिरुङ्‌दाङ्‌कि अ़ङ्‌पापाएदु लाङाखात्‍ङाङा।”

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:13

निनाम्‍मादुङ्‌का काधा म़नाओ अ़छादाङ्‌का साङ्‌छाङ निनाम्‍मादु मान्‌वाङ्‌युक।

युहन्‍ना 6:32

येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन, खानानिन निनाम्‍मादुङ्‌का पेम्‍पाक काप़ निनाम्‍हाङ्‌य़ङ खाकालु मोसा माआङ, मेन निनाम्‍मादुङ्‌का खानानिन अ़नुछ्‍या पेम्‍पाक काप़ अ़ङ्‌पापा ओ।

युहन्‍ना 6:38

अ़ङ्‌को आप्‍पिओ अ़ङ्‌मिन्‍मा तालासि अ़ङ्‌का निनाम्‍मादुङ्‌का धाङ्‍ओ माआङ, मेन अ़ङ्‌का काछुत्‌ओ अ़चुमिन्‍मा तालासि धाङ्‌ओ।

युहन्‍ना 6:41

यहुदिचि खोक्‍कोसोओ अ़चुदेङ्‌सालाप्‍पादा छुऩङ्‌वा मुमा अ़पुङ्‌सा, देकिनालो खोक्‍को म़य़ङा, “निनाम्‍मादुङ्‌का धाओ पेम्‍पाक अ़ङ्‌काङा ओ।”

युहन्‍ना 6:48

अ़ङ्‌का ह़ङ्‌म़ङ काप़ पेम्‍पाक ओ।

युहन्‍ना 6:50

मेन निनाम्‍मादुङ्‌का धाओ पेम्‍पाक ओङा ओ। साङ्‌आ मो चा, मो अ़स़निन्‍दानिन।

युहन्‍ना 6:58

निनाम्‍मादुङ्‌का धाओ ओ पेम्‍पाक, आम्‍नुओ सुन्‍तुम्‌चिआ मन्‍ना अ़चाओवाको माआङ। मोचिआ अ़चानुछाङ म़सुवादा। मेन ओ पेम्‍पाक साङ्‌आ चा, मो अ़धुन्‌तारि ह़ङ।”

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।