युहन्‍ना 6:29 - बान्‍तावा राई

²⁹ येसुआ मोचि म़लासुलोचि, “निनाम्‍हाङ्‌ओ अ़चुकाचि ओङा ओ, साङ निनाम्‍हाङ्‌आ अ़छुत्‍ता खोक्‍कोएदा साकोङ्‌छ़ङ मुमादोत।”

युहन्‍ना 6:29 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 5:39

खानानिन साम्‍कालिन्‌दा त़लामुम्‌योम, देकिनालो मोदा अ़लुक्‍निन्‌ओ ह़ङ्‌म़ङ तोक्‍तुम्‌नि खानानिन त़मिनिन। अ़ङ्‌तुक्‌वादा सालुम्‍स़ङ काप़ मो साम्‍कालिन्‌ङा ओ!

युहन्‍ना 6:28

मोचिआ खोक्‍को अ़सेना, “निनाम्‍हाङ म़मिन्‌याङ्‌वा काचि मुमाओ निम्‍पाङ आन्‍कान्‍का दे च़मादोत?”

युहन्‍ना 6:38

अ़ङ्‌को आप्‍पिओ अ़ङ्‌मिन्‍मा तालासि अ़ङ्‌का निनाम्‍मादुङ्‌का धाङ्‍ओ माआङ, मेन अ़ङ्‌का काछुत्‌ओ अ़चुमिन्‍मा तालासि धाङ्‌ओ।

युहन्‍ना 6:57

देत्‍नि अ़ह़ङ पापा निनाम्‍हाङ्‌आ अ़ङ्‌का ऩछुत्‍ताङ खोन्‍कि पापा निनाम्‍हाङ्‌आ अ़ङ्‌का ह़ङ्‌म़ङ ऩपुवाङ्‌ओसाआ मोवात्‍निङा साङ्‌आ अ़ङ्‌का अ़चाङा, अ़ङ्‌का मो ह़ङ्‌म़ङ प़ङ।

छाम्‍माय़ङ 16:31

खोन्‍कि खोचिआ अ़लासालोवाचु, “हाङ्‌पा येसुएदा साकोङ्‌छ़ङ मुवा, खाना खोन्‍कि आम्‍खिम्‌दाओचि त़लेरिन।”

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

याकुब 2:22

खोसोओ अ़साकोङ्‌छ़ङ खोन्‍कि अ़काचिचि अ़क्‍नि काचि म़मुवाङाओ खाना त़खा। खोन्‍कि अ़काचिचिलाम्‍पा अ़साकोङ्‌छ़ङ ताला।

१ युहन्‍ना 3:23

खोक्‍कोसोओ अ़चुलोमाय़ङ ओङा ओ, खोक्‍कोसोओ अ़चुछा येसु ख्रिस्‍तओ अ़चुऩङ्‌दा आन्‍कान साकोङ्‌छ़ङ मुमादोत, खोन्‍कि खोक्‍कोसाआ म़लोवाओवात्‍नि आन्‍कान अ़क्‍छा निएदा सोमातुक्‍मुमादोत।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

खाङ्‌मुमा 2:26

साङ छो खोन्‍कि अ़ङ्‌काचिचि आदेङ्‌तारि साङ्‌आ मुयुङ्‌सुचि, खो अ़ङ्‌का रावा-रावाचिदा पाङ प़ङ।