युहन्‍ना 6:27 - बान्‍तावा राई

²⁷ लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 6:27 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मत्‍ति 6:19

आप्‍पिओ निम्‍पाङ हेन्‍खामादा चासुम्‍छेन्‍बि मान्‍कोप्‌दानुम, मोदा भेवा खोन्‍कि अ़ह़रेलोआ लुक्‍तु, खोन्‍कि काख़पाचिआ खिम अ़भुङ्‌कि मो अ़ख़खात।

मत्‍ति 8:20

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

मर्कुस 1:11

खोन्‍कि निनाम्‍मादुङ्‌का अ़क्‌तात य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

मर्कुस 9:7

खोन्‍किना य़वारिआ मोचि भुक्‍तुखात्‍तुचि, खोन्‍कि य़वारिदाङ्‌का अ़क्‌तात य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोसाआ ऩलोन्‌ओ एनानुम!”

लुका 3:22

खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

लुका 9:35

मोन्‍ग़रि य़वारिदाङ्‌का अ़क्‌तात य़ङ ता, “ओक्‍को अ़ङ्‌छा ओ। ओक्‍को अ़ङ्‌का छेन्‍तुङ्‍ओ। खोक्‍कोसाआ ऩलोन्‌ओ एनानुम!”

युहन्‍ना 10:28

मोचि अ़ङ्‌का अ़लुक्‍निन्‌ओ ह़ङ्‌म़ङ प़ङ्‌च़ङ, खोन्‍कि मोचि देम्‍खाछाङ ऩलुक्‍निन, खोन्‍कि साङ्‌आछाङ मोचि अ़ङ्‌छुक्‌दाङ्‌का ऩङाप्‍ऩङ्‌खात्‍ऩङ।

युहन्‍ना 11:42

अ़ङ्‌का सिन्‍तुङ्‌योङ, खानानिन्‌आ अ़ङ्‌यामात्‍मा अ़धुन त़एन्‍निप़नि। मेन ओदा म़एप्‌याङ्‍ओ मुक्‍लाचिओ निम्‍पाङ अ़ङ्‌का ओ य़ङाङ्‌ओ, देकिनालो खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना मोचि साकोङ्‌छ़ङ मुमा म़ऱने।”

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 3:15

मोवात्‍नि साङ खोक्‍कोएदा साकोङ्‌छ़ङ मु, मोसाआ अ़लुक्‍निन्‌ओ ह़ङ्‌म़ङ तोक्‍तु।

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:47

अ़नुछ्‍याङा अ़ङ्‌का खानानिन लोनानिन, साङ साकोङ्‌छ़ङ मु, मोएदा अ़धुन्‌ओ ह़ङ्‌म़ङ याक।

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

युहन्‍ना 6:53

येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन, खानानिन्‌आ म़नाओ अ़छाओ अ़पोक त़चान्‍मिन खोन्‍कि खोसोओ अ़ह़ त़दुङिमिन्‌नालो खानानिन्‌एदा ह़ङ्‌म़ङ अ़याक्‍निन।

युहन्‍ना 6:54

अ़ङ्‌पोक काचा खोन्‍कि अ़ङ्‌ह़ कादुङ्‌एदा अ़धुन्‌ओ ह़ङ्‌म़ङ याक, खोन्‍कि आदेङ्‌ओ लेन्‌दा अ़ङ्‌का मोचि ह़ङ्‌सुङ्‌लोइसुङ्‌च़ङ।

युहन्‍ना 6:58

निनाम्‍मादुङ्‌का धाओ ओ पेम्‍पाक, आम्‍नुओ सुन्‍तुम्‌चिआ मन्‍ना अ़चाओवाको माआङ। मोचिआ अ़चानुछाङ म़सुवादा। मेन ओ पेम्‍पाक साङ्‌आ चा, मो अ़धुन्‌तारि ह़ङ।”

युहन्‍ना 6:62

खोन्‍नालो खानानिन्‌आ म़नाओ अ़छा खादा खो बुया युङाङा, मोदा थेन्‍खात्‌याङ्‍ओ त़खाम्‌नालो देम च़लोक धुङ्‌खा लि?

युहन्‍ना 6:68

सिमोन पत्रुस्‌आ लासुलो, “हाङ्‌पो, आन्‍कान्‍का साङ्‍एदा खारिन्‍का ओ? खानानिन्‌एदा अ़धुन्‌ओ ह़ङ्‌म़ङ्‌ओ य़ङ्‌चि म़युङ्‌याङ।

युहन्‍ना 8:18

अ़ङ्‌तुक्‌वादा अ़ङ्‌का आप्‍पि सालुम्‍स़ङ प़ङ, खोन्‍कि अ़ङ्‌का काछुत पापा निनाम्‍हाङ्‌आछाङ अ़ङ्‌तुक्‌वादा सालुम्‍स़ङ अ़प़।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

रोमि 4:11

सिप्‍मायाम्‍बुन्‍तात अब्राहाम्‌आ सिप्‍मायाम्‍बुन मुमादाङ्‌का बुयाङा साकोङ्‌छ़ङ मुवाओ, खोन्‍कि निनाम्‍हाङ्‌आ बुयाङा साम्‌योक्‍मि अ़काइसाओसोओ बुन ओ। मोवात्‍नि अब्राहाम सिप्‍मायाम्‍बुन मान्‍मुनुछाङ निनाम्‍हाङ्‌एदा साकोङ्‌छ़ङ कामु झारा म़नाचिओ अ़चुसुन्‍तुम लिसा। मोचिआ अ़मुवाओ साकोङ्‌छ़ङ्‌ओ अ़तुक्‌वाआ निनाम्‍हाङ्‌आ मोचि साम्‌योक्‍मि म़काइसुचि।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

१ कोरिन्‍थि 9:2

अ़ङ्‌का निचिओ निम्‍पाङ अ़चुछाम्‍माय़ङ माआङ्‌नुछाङ आम्‍नुओ ना अ़नुछ्‍याङा छाम्‍माय़ङ ओ! देकिनालो हाङ्‌पाओ अ़चुछाम्‍माय़ङ लिमा अ़ङ्‌को अ़ङ्‌बुत्‍माय़ङ्‌ओ अ़सालुम्‍स़ङ खानानिन त़याइन्‌येन।

२ कोरिन्‍थि 4:18

खोन्‌ओसा, आन्‍कान्‍का दात्‌याङ्‍ओ सामाचि अ़खान्‍मिन्‍चिन्‍का, मेन ऩदात्‍निनिन्‌ओ सामाचि आन्‍कान्‍का खाम्‍च़म्‍का। देकिनालो दात्‌ओ सामा अ़क्‍दुओ ओन्‍ङा मु, मेन अ़दात्‍निन्‌ओ अ़धुन युङ्‌युङ।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

कलस्‍सि 2:22

ओ झारा थाप्‍स़ङ्‌चि थुत्‍मेत्‍लो म़याङ्‌कि म़लुक्‍खात। देकिनालो ओ य़ङ्‌चि म़नाचिआ म़मुचिओ लोमाय़ङ्‌चि खोन्‍कि चिन्‍माय़ङ्‌चि ओन्‍ङा ओ।

कलस्‍सि 3:2

निनाम्‍मादुओ य़ङ्‌चिओ अ़तुक्‌वादा मिन्‍मा पाक्‍तानुम, हेन्‍खामादाओ सामाचिदा माआङ।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

हिब्रु 12:16

साङ्‌छाङ काचान्‍चा अ़लिनिन्‍ने। निनाम्‍हाङ कित्‌याङ्‌सा ह़ङानिन, एसाब्‌वात्‍नि माआङ, खोसाआ अ़क्‍खुङ चामायुदा खोसोओ अ़कुम्‍पा पाङ इनुचो।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

याकुब 1:11

देकिनालो अ़राङ्‌खाखान्‍खा उप्‍लाक्‌वाएनान नाम लोन खोन्‍कि चाच़ङ युलुखाइसु। बुङ्‌वा धाखात खोन्‍कि मोसोओ अ़खान्‍नुमा लुक्‍खात। मोवात्‍निङा कातोक म़नाछाङ अ़काचिचि मुङुचिहिदाङा युन्‍खात।

१ पत्रुस 1:24

देकिनालो, “झारा म़नाचि घासावात्‍नि म़मुयाङ, खोन्‍कि मोसोओ अ़खान्‍नुमाछाङ घासाओ अ़बुङ्‌वावात्‍निङा मुयाङ। घासा युन्‍खात खोन्‍कि अ़बुङ्‌वा धाखात,

२ पत्रुस 1:17

मो तोक्‍पो सावापोरिओ निनाम्‍हाङ्‌आ “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा”नि येसु म़य़ङाहिदा खोक्‍कोसाआ निनाम्‍हाङ पापाएदाङ्‌का साया खोन्‍कि ऩङ्‌चोन्‍मा अ़तोक्‍ता।