युहन्‍ना 5:44 - बान्‍तावा राई

⁴⁴ खानानिन अ़क्‍छा निएदाङ्‌का साऩङ्‌वा तोक्‍मा त़लामिन, मेन अ़क्‍छा ओन्‍ङा निनाम्‍हाङ्‌एदाङ्‌काओ साऩङ्‌वा तोक्‍मा त़लामिमिन्‌नालो देत्‍नि अ़ङ्‌का साकोङ्‌छ़ङ मुमा त़ऱनि?

युहन्‍ना 5:44 ပူးပေါင်းရင်းမြစ်များ

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

लुका 19:17

खोन्‍कि हाङ्‌आ अ़हारुक लो, ‘त़छोसा, अ़नुवाक हारुक! खाना दस्‌कातात सहरादा पाङ्‌मुमा त़तोक्‍तु। देकिनालो खाना अ़चुप्‍पो काचिदा सोम्‍कुवामुमायु काचि त़मुवा।’

युहन्‍ना 12:43

देकिनालो निनाम्‍हाङ्‌आ प़माय़ङ सायादाङ्‌का म़नाचिआ प़माय़ङ साया तोक्‍मा मोचिओ च़लोक अ़चुऩङा नुवाङा।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 3:20

अ़त्‍लो काचि कामु झारासाआ साम ऩङाअ़छित, खोन्‍कि साम्‌दा ऩतानिन, देकिनालो मोचिओ अ़चुअ़अ़त्‍पा काचिचि म़नाचिआ ऩखान्‍चिन्‍ने।

युहन्‍ना 5:41

अ़ङ्‌का म़नाचिएदाङ्‌का साऩङ्‌वा अ़लाम्‍ऩङ।

युहन्‍ना 8:43

अ़ङ्‌का य़ङ्‌ङाङाओ खानानिन्‌आ देकि त़तुप्‍तिमिन्‌येन? देकिनालो खानानिन्‌आ अ़ङ्‌य़ङ लोक्‍मा त़ऱन्‍मिन।

रोमि 2:10

मेन साङ अ़नुवाक काचि मु, बुया झारा यहुदिचि खोन्‍कि ग्रिक्‌चिआछाङ साऩङ्‌वा, साया खोन्‍कि सेवाङ्‌नि अ़तोक।

रोमि 2:29

मेन साङ अ़कोङ्‌याङ्‌काओ यहुदि ओ, मोङा यहुदि ओ। खोन्‍कि साङ अ़साकोङ्‌वादा सेङ्‌लावालाम्‍पा मुवाओ सिप्‍मायाम्‍बुन्‌ङा अ़नुछ्‍याओ सिप्‍मायाम्‍बुन ओ, छाप्‍माय़ङ य़ङ्‌हुप त़ङ्‌तुम्‌कि अ़नुनिन, ओवाको म़नाओ अ़चोन्‍माय़ङ म़नाचिदाङ्‌का माआङ, मेन निनाम्‍हाङ्‌दाङ्‌का लि।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 10:18

देकिनालो आप्‍पि काचोन्‍नान्‍चिन म़ना ऩलोउन, मेन हाङ्‌पाआ अ़चोन्‌ओ अ़लोक।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

१ थेसलोनिकि 2:6

आन्‍कान्‍का देम्‍खाछाङ म़नाचिएदाङ्‌का साऩङ्‌वा मेत्‍मान्‍लुदान्‍का, ना खानानिन्‌एदाङ्‌का ना निचिएदाङ्‌काङा।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

याकुब 2:1

अ़ङ्‍ब़ब़, नाना खोन्‍कि निछाचि ओ, साम्‍स़रिओ आन्‍हाङ्‌पा येसु ख्रिस्‍तएदा साकोङ्‌छ़ङ कामु त़लिसिन्‌ओसा खानानिन साङ्‌लिप्‍पाछाङ मान्‌वाङ्‌दानिन।

१ पत्रुस 1:7

ओ चिन्‍माखाङ्‌माचिआ आम्‍नुओ साकोङ्‌छ़ङ अ़नुछयाओनि अ़छ़ङ अ़मु, खोन्‍कि मिलाम्‍पा हेङ्‌नुछाङ लुक्‍खात्‌ओ हाराक्‌वादाङ्‌काछाङ च़लोक अ़च़वाङ निकिना खाङ्‌म़मु। ओ येसु ख्रिस्‍त खाङ्‌म़मुनान्‍चिन्‌हिदा ऩङ्‌चोन्‍मा, ऩङ्‌लोङ्‌मा खोन्‍कि साया तोक्‍मा खान्‍तुओ लिने।

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!